Wednesday, July 23, 2008

افرجوا عن مصر يا فجرة

ده كان شعار الشباب فى 6 ابريل ودى رسالتهم للنظام الفاجر العاهر


زمان كان بيتضحك علينا فى المدارس والجامعات وكانوا بيقولوا لنا إن لكل شئ نهاية ومدى لكن الآب ومبارك والابن جيمى والروح القدس سوزان أكدوا إن النظرية دى مش صحيحة وإن فجرهم وبشاعتهم وديكتاتوريتهم لا محدودة،كل يوم بيتفوقوا على انفسهم وبيبتكروا وبيبتدعوا لدرجة انهم استحقوا وعن جدارة الحصول على لقب أوسخ أسرة مالكة على مستوى العالم، مفيش نظام فى العالم بيرمى المواطنين الغلابة من البلكونات فى عز الضهر غير نظامهم الفاجر ومفيش نظام فى العالم بيستبيح عرض النساء وأعراض الرجال فى أقسام الشرطة غير نظامهم الوسخ ومفيش نظام بيسرق عينى عينك وبيوزع الغنيمة على عينك يا تاجر زيهم

حاجة زبالة ومش بس كدة لأ كل يوم عمالين يكلمونا على الفكر الجديد وجمعية المستقبل وأحلام المستقبل وحتى أخر ابداعاتهم الإجرامية بيبنوا أكبر سجن فى مصر تحت اسم سجن المستقبل وبيصرفوا مليارات على أدوات التعذيب ومرتبات الزبانية والجزارين فى المعتقلات وكل يوم اعتقلوا فلان وعذبوا علان وقتلوا فلتان.
طب يا ولاااااااااااااااااااد ال........... ما تسرقوا من غير قتل الغلابة ما انتم فجرة ومحدش مالى عينكم
نفسى أفهم هما بيسرقوا لمين لعلاء اللى محدش عارف هو فين ولا بيعمل ايه بعد ما كان طايح فى خلق الله وعمال يقاسم ويسمسر وياكل عرق الغلابة وخرب بيوت كتير ومنهم أحمد بهجت ،ولا بيعملوا ده لجمال اللى ربنا يشفيه _اللهم لا شماتة_ ولا لحسنى اللى محدش عارف إذا كان عايش ولا عند ربه
ولا لمين بالظبط الكفن مالوش جيوب حد يفهمهم ده
فين الشيخ حلاوة الملقب بشيخ الأزهر يقولوهم ده ولا هو مش فالح غير يفتى لنا بأحقية اولى الأمر فى الطاعة والولاء وبعد كدة يغرق فى الفتة والهوبر

سيبوا شبابنا متسجنوهاش يا فجرة ،أحلى شباب 6 ابريل والفيس بوك من تيارات سياسية مختلفة اتقبض عليهم وفى أمن الدولة محتجزين ومحدش عارف عنهم حاجة كل تهمتهم انهم بيحبوا البلد دى راحوا رسموا العلم على البلاج وبدأوا يغنوا للشيخ امام وهما لابسين تيشرتات مكتوب عليها 6 ابريل

طبعا ده معجبش بهوات الداخلية فقبضوا عليهم بنات وولاد ،أحلى ما فيكى يا مصر بيقتلوه الشباب والحلم والأمل
بس هما أغبيا مش فاهمين ان عمر السجن ما غير فكرة وان عمر القهر ما أخر بكرة
دى نص الرسالة اللى اتبعتت لى من شباب 6 ابريل وفيها اسماء ورد مصر اللى هيفتح غصب عن سلخانات العادلى وكلابه:
بعد اجتماع ناجح لشباب 6 ابريل فى مقر حزب الغد بالاسكندريه ولقائهم بعدد من شباب العاصمة الثانيه لمصر , خرج الشباب الى الشاطئ مرتدين تشيرتات الحركة ورافعين اعلام مصر وطيارة ورقية على شكل علم مصر. وفى تطور مفاجئ قامت قوات الامن بالاعتداء بالضرب على الشباب ورشهم بماده غريبه ومنهم:
احمد ماهر وضياء الصاوى واسراء مصطفى وقد تم القبض على كل من
خالد عادل
ماهينور المصرى
يوسف شعبان
باسم فتحى
مصطفى ماهر
عمرو على
نور الدين صبحى
مدحت شاكر
معتصم بالله محمد
طارق تيتو
محمد محمود
احمد نصار
احمد عفيفى


وبعد ان ألقت القوة الامنيه علي الشباب ذهبوا بهم لنقطة شرطة خالد بن الوليد وبعدها اصطحبتهم أجهزة الأمن إلي قسم امن الدولة بالمنطقة المعروف "بقسم الفراعنه


يسقط مبارك وكلابه وسجونه وتحيا مصر

Tuesday, June 3, 2008

إلى إسماعيل بدر ما تحزنش وما تخافشى ولا تخضع لجلادك




افتحوا منافذ الحرية أفضل لكم ولمصريا زوار الفجر


إلى كل دعاة حقوق الإنسان وإلى كل انسان وصحفى ومواطن مؤمن بحقوق الإنسان وبالتغيير السلمى ادعموا جمعية حقوقية ضد قمع أمن الدولة
يتعرض هذه الأيام والدى وأستاذى وصديقى اسماعيل بدر المحامى ورئيس مجلس إدارة جمعية العون المصرية لحقوق الإنسان لتهديدات وضغوط أمنية بهدف إغلاق جمعيته بدعوى أن أموالها قليلة فى حين أن الجميع بمحافظة القليوبية والمحافظات المصرية يدركون جيدا حجم نشاطات هذه الجمعية التى اعتمدت على اكتاف مؤسسيها وجهودهم الذاتية غير عابئين بنقص مواردهم المالية الشخصية لصالح نشاطات هذه الجمعية التى قدمت ومازالت تقدم خدماتها القانونية والحقوقية والإجتماعية والخدمية لكل من يقع بطريقها من ضحايا هذا النظام الفاجر الذى توحش واتسعر على كل مناضل شريف

وبالفعل انا مش فاهمة نظام أبوكرتونة ده عاوز ايه بالظبط شوية يغلق جمعيات حقوقية بحجة قلوسها كتير وبتاخد تمويل ومش عارف ايه ودلوقت بيقفل الجمعية لأن أموالها قليلة طب يا بقر يا ولاد الكلب انتم عاوزين ايه لا عاجبكم اللى معاه فلوس ولا اللى قلوسه قليلة ولا عاجبكم شيوعى ولا عاجبكم إخوان هو قهر وقمع وقذارة وخلاص
بهايم أمن الدولة اللى قاعدين يجمعوا تحرياتهم عن طريق مرشدين سوابق ولا عاهرات بيسرحوهم وسط السياسيين دول عاوزين ايه كفاياكم قفل أبواب ومنافذ الحرية لأن خلاص الانفجار جاى جاى وهتتعلقوا من رجليكم على أبواب البيوت زى العجول ومحدش هيرحمكم
وحياة كل الشهدا اللى قتلتوهم وكل الصحف اللى قفلتوها وكل المناضلين اللى عذبتوهم وكل الاقلام اللى كسرتوها وكل الرؤوس اللى حنتوها من القمع والقهر وحياة دم إخواتنا فى الإنتخابات وفى الاقسام وسلخانات أمن الدولة وحياة أعراض بناتنا اللى هتكتوها فى الطريق العام وكل ستاتنا اللى اغتصبتوهم فى السجون وحياة كل كلمة حق كتمتوها وكل طفل يتمتوه وكل ست رملتوها لتدفعوا التمن غالى جدا وهتبقوا زى الكلاب الضالة فى الشوارع أخرتها رصاصة وتغور فى داهية وكلكم فى مزبلة التاريخ

اقفلوا جمعياتنا هنستأنف نشاطاتنا برضوا وكسروا أقلامنا وهتلاقوا كلامنا رصاص بيصيب أرواحكم المرعوبة واقتلوا فى الغلابة وهتلاقوا أرواحهم بتطاردكم فى كل مكان وعلوا فى سجونكم وهتلاقوا أصواتنا متخطية الأسوار وطالعة لسما الحرية والعزة والكرامة بكرة بتاعنا غصب عنكم ونهايتكم خلاص رسمتوها
وهى رصاصة والقرار لمصر

إسماعيل بدر أكبر وأقوى وأنقى من قذارتكم وحيلكم الضعيفة المستهلكة اللى هى أصلا دليل على ضعفكم وعجزكم ورعبكم ،إسماعيل بدر عضو لجنة الحريات وجماعة المحامين الناصريين وأبو كذا ألف شاب وراه ومعاه برقابهم يفدوه وبحماسهم يدعموه ويصلبه ضهره

احنا معاك ووراك يا بابا ولو قفلوها برضوا هنمشى فى طريق الحرية اللى انت علمتنا انه طويل وصعب لكن ملناش طريق غيره

اقفلوا منافذ الحرية ومنافذ التغيير السلمى وسدوا الابواب واقفلوا الشبابيك بس خدوا بالكم اللى قبلكم لما عملوها الناس طلعت من تحت الأرض وجثثهم كانت طايرة فى نعوش
افتحوا هذه المنافذ السلمية وإلا على نفسها وأهلها جنت براكش

بيان جمعية العون المصرية لحقوق الإنسان

على مدى عام ونصف ومنذ إشهار الجمعية وهى تتعرض للعديد من التهديدات والمضايقات ولكن يبدو أن الأمر هذه المرة قد أخذ طابعاً جاداً وتنفيذياً حيث علمت الجمعية من بعض المصادر أن وكيل وزارة التضامن الاجتماعى بالقليوبية وبناء على طلب من مباحث أمن الدولة قد أصدر أوامره إلى مديرإدارة التضامن الاجتماعى بشبين القناطر بضرورة عمل مذكرة بشأن الجمعية تتيح له حلها والغريب فى الأمر أن وكيل الوزارة طلب عمل مذكرة تقول فيها الإدارة أن الجمعية لا تعمل حتى يسهل صدور قرار الحل ورغم أن أنشطة الجمعية معلومة للكافة فى المحافظة وعلى رأسهم السيد وكيل الوزارة ورغم ما نشر بالجرائد وعلى الانترنت عن تلك الأنشطة ورغم أن لمسة للكيبورد تحيل سيادتهم إلى موقع الجمعية على الشبكة العربية لمعلومات حقوق الإنسان ليروا العديد من أنشطة الجمعية ورغم أن بعض تلك الأنشطة كانت تتبنى بعض شكاوى المواطنين ورفعها للسيد محافظ القليوبية وقد تفاعل سيادته مع بعضها واستجاب لمطالب الجمعية وبالطبع فإن من يحرض على حل الجمعية يعلم أيضاً كل أنشطة الجمعية فهو يرقبها وبالطبع فإن تلك الأنشطة لا ترضيه وتسبب له إزعاجاً عظيماً .فهل لا يعلم الآمر بسرعة حل الجمعية تبنيها لقضية أهالى جمجرة حين فرضت الشرطة عليها حصاراً فيما يشبه العقاب الجماعى ؟ هل لا يعلم سيادته تبنى الجمعية لقضية سيدة المنشأة الكبرى مركز كفر شكر حين هتك عرضها بالطريق العام ؟ وهل لا يعلم سيادته عن تصعيد الجمعية لواقعة الاعتداء على صحفى الدستور فى محطة كلية الزراعة بشبرا ؟ وهل لا يعلم سيادته فضح الجمعية للتزوير بالصور أثناء الاستفتاء على التعديلات الدستورية ؟ وهل لم يقرأ سيادته البيانات التى أصدرتها الجمعية فى واقعة اعتصام العاملين بشركة إيجوث ؟ وهل لا يعلم عن الندوتين اللتين أقامتهما الجمعية بشأن التعديلات الدستورية ؟ وهل لا يعلم أن الجمعية قد تضامنت مع معتقلى 6 أبريل وأصدرت بياناً حذرت فيه الداخلية من المساس بالمتظاهرين .إن من أمر بسرعة الخلاص من الجمعية ومن تلقى الأمر يعلمون تماماً أن الجمعية لم تتلق أى تمويل وتؤدى رسالتها عن طريق أعضائها ومتطوعيها وبالتالى فإن الإيرادات والمصروفات لديها محدودة وتتلخص فى اشتراك الأعضاء فلماذا لا تحل بحجة إنها لا تعمل لعدم وجود أموال لديها ؟ لقد فكروا فى الخلاص من الجمعية بحلها لأن أنشطة الجمعية أزعجتهم فى محيطها الاقليمى فقالوا نقول إنها لا تعمل كعادة الحكومة دائماً حينما تعلق الفقراء على مشانق الغلاء فإنها تقول لا مساس بمحدودى الدخل .إن الجمعية إذ تنتظر صدور قرار الحل بمعلومات يقينية فإنها قد بدأت فى الترتيب للمرحلة القادمة فكل قوى القمع والقهر لن تثنينا أبداً عن الدفاع عن حقوق الإنسان ومقاومة الظلم أينما وجد .


جمعية العون المصرية لحقوق الإنسان

انقذوه قبل ما يقتلوه


الحرية للمدون والطبيب ممدوح المنير صاحب مدونة

نائب بمجلس الشعب يفضح اجرام امن الدولة بحق ممدوح المنير

بسم الله الرحمن الرحيم السيد الأستاذ الدكتور / رئيس مجلس الشعب الموقر السلام عليكم ورحمة الله وبركاته

أرجو تمكينى إلقاء البيان العاجل التالي والموجه إلى السيد اللواء / وزير الداخلية وذلك عن استمرار اعتقال مستشاري الإعلامي د / ممدوح المنير وما تعرض له من انتهاكات لمدة ستة عشرة يوما داخل مقر مباحث امن الدولة بالمحلة الكبرى وهو ما استدعى عرضه على الطب الشرعي السيد الأستاذ الدكتور/ رئيس مجلس الشعب في فجر يوم الثلاثاء 8/4/2008 تم إلقاء القبض على مستشاري الإعلامي الطبيب البيطري د / ممدوح المنير الذي يبلغ من العمر ثمانية وعشرين عاما .. وتم إبلاغ أسرته انه عند مباحث امن الدولة لكنهم عندما ذهبوا له بالطعام والملابس قيل لهم انه ليس موجودا!! وفى خلال ستة عشرة يوما قام والده بالمرور على كل سجون مصر ليسأل عن ابنه فلم يجده . حتى جاء فجر الجمعة 24 / 4 ليفاجئ الأب باتصال ابنه به. ويذهب ليراه في مجمع المحاكم بالمحلة في حالة رثة :

فثيابه لم تتغير منذ اعتقاله وكان في حالة إعياء شديد حتى أن وكيل النيابة اشترى له طعاما على حسابه !!

وقرر الإفراج عنه وتحويله للطب الشرعي بعد أن رأى ما به من آثار تعذيب وكي بالكهرباء !!

لكن اختفى د / المنير مرة أخرى لمدة ثلاثة أيام قبل أن يصدر قرار باعتقاله وحبسه بسجن وادي النطرون حتى هذا التاريخ

بعض ما تعرض له المنير

1. تم إلقائه في زنزانة في بدروم مباحث امن الدولة عرضها 1,5متر ×5متر لا يوجد بها سوى زجاجة للبول .

2. التقييد وتعصيب العينين وإجباره على الوقوف لساعات طويلة وتعريضه للضرب المبرٌح والاهانة الجنسية في حال سقوطه على الأرض .

3. دخول الحمام مرة واحدة أو مرتين في اليوم ولمدة دقيقتين.

4.
الاهانات اللفظية الجنسية وسب الوالدة وقذفها بشكل فاضح .

الصعق الكهربي في حلمة الثدي ، الفخذين ، الأكتاف ، الرأس ، السره ،الجانبين ، سلسلة العمود5 . الفقري

الضرب بقبضة اليد واللكم والصفع و التهديد بتلفيق القضايا .6
7. التعذيب كان يتم بعد تعرية الجسم بالكامل عدا العورة .

8. التهديد بالاعتداء الجنسي .
9. تهديده بالتصوير أثناء تبديل الملابس وتوزيع الصور على مواقع النت وفى محل السكن .
10. التثبيت على خشبة تغسيل الموتى وتقييد اليدين والقدمين وتعريضه للصعق بفولت عالي .

11 .عدم عرضه على أي طبيب رغم تعرضه للإغماء والقيء الشديد عدم القدرة على الحركة .وترحيله رغم ذلك إلى مباحث امن الدولة بالقاهرة وسجن الفيوم في رحلة استمرت 13 ساعة وإعادته إلى امن الدولة مرة أخرى دون نزوله من سيارة الترحيلات ودون السماح له بدخول الحمام .
12. كان الأكل المخصص له ولباقي المعتقلين فضلات أكل الحرس ..
13. إغراق الزنزانة بالماء لمنعه من النوم .
14- إخفاء أمر تواجده عن عائلته وتعريضهم لضغوط عصبية ونفسية
بعض ما شاهد المنير من ممارسات بحق المعتقلين الآخرين : ـــ
استخدام كلب بوليس ( نيرو ) يقوم بالقفز على المعتقلين لإرهابهم .

ـــ (الاصطباحه) وهي ضرب مبرح للمعتقلين في أيام الاعتقال الأولى وبشكل دوري وتسميتهم بأسماء أنثوية وإجبارهم على نطق ألفاظ جنسية وتهديدهم بإجبارهم على ممارسة الفاحشة فيما بينهم .


ـــ استمرار اعتقال مترجم الصحفي الأمريكي الطالب محمد صالح احمد مرعي برابعة طب بيطري

ما حدث شيء غير أخلاقي ويفتقد للتحضر :

فتحت أي مسوغ اختطف المنيرلمدة ستة عشرة يوما وتم اخفائه فى مكان غير معلوم قبل ان يحول للنيابة؟؟

وما ذنب أسرته ـ ووالده معلم فاضل ـ لكي تلقى كل هذا الظلم وهي تبحث عن ابنها ؟؟

ما حدث ليس جديدا بالمرة ولكنه حلقة من إجرام قلة منحرفة من بعض الضباط الذين لا يجدون رادعا ولا يشعرون بأي وازع ويحاولون استنساخ عهد حمزة البسيوني والعسكري الاسود وهم الادرى بما حل بهؤلاء فى الدنيا وما قد يحل بهم فى الاخرة! ثم الا يدل ذلك على كذب ادعاء الحكومة بان قانون الطوارئ لن يستخدم الا ضد الارهابيين وتجار المخدرات ؟؟

فأين ذلك من د / ممدوح المنير ود / ابراهيم اليماني ود / سامي فرنسيس وطالب الطب البيطري محمد صالح مرعي وعمال المحلة الثلاثة كريم البحيري وكمال الفيومى وطارق أمين وآلاف من الذين اعتقلوا بسبب اصرارهم على ممارسة حقهم الدستوري فى انتخابات المحليات !! ان جرائم الاعتقال المتكرر والتعذيب وانتهاك حقوق الانسان وتزوير الانتخابات وتزوير ارادة الامة تشويه ودستورها وحمايةالفساد وغيرها من ممارسات مابعد الطوارئ تجعلنا نترحم على قانون الطوارئ ونتمنى العمل به حقيقة ً!! ما حدث بمقر مباحث امن الدولة بالمحلة باعتقادي لا يقل بشاعة عما فعلته امريكا بسجني ابو غريب وجوانتاناموا لذا لا اعرف بأي وجه يهاجم كتاب الحكومة تلك الممارسات ومصر غرقى فيها ! لذا أطالب السيد وزير الداخلية بسرعة الإفراج عن المنير والتحقيق فيما تعرض له من انتهاكات لا تليق بدولة متحضرة كمصر وأوكد أن الإجراءات التعسفية التي اتخذت ضده تضر به وتهدر حقوقه القانونية والدستورية , كما أنها تضر بسمعة مصر!! وسمعة مصر بها ما يكفيها!!

م / سعد الحسيني عضو مجلس الشعب

Monday, May 5, 2008

وحشتوووووووووووونى اوى وبحبكم خالص

نانو الجميلة

ألف حمد الله على سلامتك يا نانو يا جميلة انا كنت حاسة إنك تعبانة وحلمت بيكى يا حبيبتى واتصلت بماما وهى قالت لى انك كويسة لكن قلبى كان واجعنى أووووووووى عليكى يا رب تكونى بخير دلوقت يا حبيبتى يا قلب ماما
وحشتنى أوى كلمة ماما منك ومن بوشى ويارا وصافى وحشتونى أوووووووى يا ولاد
نانو اكتبى لى يا نانو قولى لى عاملة ايه يا قلب ماما أنا قلقانة عليكى أوى وقعدت أعيط كتير بعد ما ماما سحر قالت لى انك كنت تعبانة اوعى تزعلى منى علشان ماتصلتش بيكى وانتى عيانة انا مش كنت عارفة ومحدش قالى حاجة يا نونة واسأليهم وحشتينى ووحشنى حضنك وضحتك وشقاوتك ،خدى بالك من نفسك ومن صحتك يا حبيبتى واسمعى كلام ماما نجاة وماما نعمت وماما سحر وخدى الدوا و اسمعى كلام الدكتور علشان تخفى ولما أجى نسافر انا وانت وبوشى ويارا زى ما اتفقنا،انا كمان هاجيبلك هدية جميلة علشان انتى طلعتى الاولى على المدرسة زى ما وعدتينى.....................بحبك أووووووووووووووووووووووى يا نانو
أمواااااااااااااااااااااااااااااااااااه
بوشى باشا
ابنى البكرى الجميل واحشنى أووووووووووووووووووووووووووووى يا حبيبى ووحشنى حنانك وخوفك على وحبك لى ودفاعك عنى لما بابا وماما كانوا بيتخانقوا معايا علشان السياسة والمظاهرات
وحشنى حضنك وانت نايم جنبى وحاضنى علشان ما اسيبكش وامشى .واحشنى قعدتنا يوم الخميس انا وانت ونانو وأكلنا ولعبنا وفرجنا على الأفلام فى الكمبيوتر بتاعك ،فاكر يا حبيبى كنا بنعمل ايه لما بنتفرج على فيلم رعب كنا بنتغطى تحت البطاطين ونولع النور كله وكنا كل شوية نصرخ من غير ما يحصل حاجة لمجرد اننا بنسمع الموسيقى بتاعة الفيلم..فاكر عيد ميلادك وعيد ميلادى .انا عيد ميلادى بعد كام يوم بس المرة دى هاحتفل بيه لوحدى لكن لما ارجع هنحتفل بيه مع بعض وما تنساش هدية عيد الأم اللى قلت لى انك هتجيبها لى لما أجى ..مش عارفة يا أحمد هاجى امتى واوعى تزعل منى لإنى اتاخرت ومجيتش فى شهر 3 زى ما طلبت منى والله غصب عنى ومش عارفة هاجى امتى لمصر يمكن فى شهر 6 أو فى شهر 7 ادعى لى يا بوشى..مبروك النجاح يا حبيبى انت كمان طلعت الاول على الفصل زى ما وعدتنى وانا هاجيب لك كل حاجة انت عاوزها بس خد بالك من نفسك ومن صحتك انت كمان واسمع كلام ماما نجاة وروح للدكتور وخد العلاج واعمل التحاليل ولو عاوز حاجة ادخل ابعت لى هنا يا بوشى وانا هاكلمك فورا
خدوا بالكم من صحتكم يا ولاد ومن ماما نعمت زى ما وعدتونى مش انتم قلتم لى ما تخافيش احنا هناخد بالنا من ماما نعمت وبابا جدو اسمعوا كلامهم ومتسيبهومش لوحدهم خالص ومتزعلوش حد منهم علشان لما اجى نسافر زى ما اتفقنا ويمكن اجى لكم فى شهر 6 لسة مش عارفة
ميار حبيتى انتى كمان وحشتينى انتى وصافى وجاسر ابعتى لى صورتك يا يارا انت وصافى علشان احطها لك هنا
وحشتونى أووووووووووى أوووووووووووووى وبحبكم خالص وهاموت واشوفكم واخدكم فى حضنى

Friday, May 2, 2008

عيد ميلاد أبو الفساد






إهداء إلى أبو الفساد فى عيد ميلاده التمانين الموافق 4 مايو 2008

ياللا حالا مالا بالا . . غنوا لأبو الفساد

قولوا فى عيد ميلاده الليلة . . أتعس الأعياد

يسقط أبو الفساد

أنا الغرقان بانادى . . وباقول للبحور

يوم أغبر رمادى . . عيدك ياطرطور

لك ملايين اعادى . . عايزينك تغور

امتى حا تفرحهم . . وتسيب البلاد
فى داهية يابو الفساد

Wednesday, April 16, 2008

اغفرى لى عجزى وضعفى يا إسراء



إسراااااااااااااااااااااااااااااااء

أسفة مش عارفة اقولك ايه يا جميلة احساسى بالخجل من نفسى ومن ضعفى وعجزى ملجم لسانى ومجمد تفكيرى ، رغم انى ما اعرفكيش معرفة شخصية لكن احساسى بالقلق والخوف عليكى أكبر مما تتخيلى يمكن لأنى عارفة ايه اللى بيعمله الكلاب جوة سلخاناتهم المسماة مباحث أمن الدولة ويمكن لإنك بقيتى قريبة من قلوبنا كلنا ونجحتى فى انك تكونى جوة كل واحد وواحدة فينا كأخت وصديقة نعتز بيها ،كنت باتابع أخبارك أول بأول وكنت قلقانة من إن التجربة دى تكسرك أو تهزك لكن أول ما شفت صورك فى عربية الترحيلات وانتى بتضحكى وبتشيرى بعلامة النصر حسيت أد ايه انتى قوية وأقوى مننا كلنا عارفة يا إسراء ان الصورة دى هزتنى أووووى و حسستينى بإنها خلاص هانت وبجد بكرة قرب ويمكن نشوف شمس الحرية قريب طول ما فيه ناس زيك فى مصر جواهم الأمل والعزيمة والثقة بالنفس والإيمان بقضية بلادهم وحريتها اللى عارفين كويس ان تمن الحرية دى هيكون غالى اووى وان طريقها صعب وطويل


مش هاقولك ربنا يفك اسرك لانك اكثر حرية منا جميعا الآن ومش هاقولك شدى حيلك لإنك اقوى مننا لكن هاقول ربنا يحفظك من الكلاب المسعورة اللى حواليكى ويحميكى من آذاهم وقلوبهم الميتة وضمايرهم المعدومة انا متاكدة إن هما اللى مرعوبين منك ومن كل اخواتنا المعتقلين وأهالينا اللى اتصابوا واللى اتقتلوا بإيد الكلاب


بس فعلا عمر السجن ما غير فكرة وعمره القهر ما أخر بكرة ومهما هيبنوا فى السجون ويعلوا أسوارها مش هيقدروا يمنعوا عن مصر شمس الحرية ولا يمنعوا صوت شعبها الحر اللى جاع واتذل أكتر من ربع قرن


عمر النظام البوليسى ولا سياسة الحديد والنار ما منعت ثورة ولا أجهضت احلام أمة فيها شباب زيك انتى ورفاقك المعتقلين


أرجوكى يا اسراء سامحينى واغفرى لى ضعفى وهوانى على نفسى واحساسى بالمرارة والعجز مش قادرة اعملك اللى تستاهليه ولا قادرة أدافع عنك أدام اللى خطفوكى وحاجزينك عننا


بحبك يا إسراء وأتمنى أننا نكون أصدقاء ونتقابل مع أول زيارة لمصر


يسقط مبارك وسجانيه وسجونه وكلابه المسعورة


وتحيا مصر تحياااااااااااااااااااا مصر


Tuesday, April 15, 2008

يسقط نظام القمع والاستبداد



هو ايه اللى بيحصل فى مصر مبارك مش هيبطل فجر وكلابه مش هيتهدوا بقى امبارح يوم غريب وعجيب وكل اخبارها كلها بتأكد إننا اكيد فى مصر الخبر الاول الحكم بحبس قيادات الإخوان من رجال اعمال وعلماء ومفكرين وإصلاحيين كتير فى محكمة عسكرية هزلية مليئة بالإنتهاكات الصارخة للقوانين والدستور وفى نفس اليوم -اللى هو امبارح-الحكم ببراءة الفاسد هانى سرور والمتورطين فى قضية قضية اكياس الدم الفاسد وارساء مناقصة على نائب مجلس الشورى من وزارة الصحة فى مخالفة صريحة للقانون وبعدها يجى لى عشرميت رسالة عن اختفاء إسراء عبدالفتاح فى مباحث امن الدولة والمحامين وأهلها مش عارفين لها طريق وصديق يكلمنى من الغمارات يسألنى عن امينة عبدالرحمن لأنها اختفت بعد قرار الإفراج عنها من سراى النيابة وجوزها واصدقائها بيدوروا عليها فى الاقسام مش لاقينها وامبارح برضوا مباحث الآداب تهاجم دار ملامح للنشر اللى بيرأسها محمد الشرقاوىالمحبوس حاليا على ذمة إضراب 6 ابريل بحجة وجود كتب منافية للآداب ورغم انه طبعا مفيش حاجة حاجة إلا انهم حطوا اسم محمد وخطيبته المستشار الإعلامى للدار والمحاسب كمطلوبين للتحقيق فى مباحث الآداب فى وجود كل الأدلة اللى بتأكد نفى وحقارة الإدعاء والتهمة الملفقةكل ده ما يحرقش الدم بس برضوا االناس مش هتتراجع ويسقط حسنى مبارك العاهر الفاجر ويسقط كلابه وحراسه وتسقط سجونه وتحيا مصر بعمالها وفلاحيها وطلابها

Wednesday, April 9, 2008

قائمة الأسماء المطلوب التحرى عنها فى الجيزة


جبهة الدفاع عن متظاهرى مصر
الأسماء المطلوب التحري عنها في
محضر 3436 لسنة 2008 ادارى الجيزة

تقوم الآن نيابة الجيزة بالتحقيق مع المهندس محمد الأشقر في المحضر 3436 لسنة 2008 وجاء بمحضر التحريات المعد منذ 31/3/2008 الأسماء التالية للتحري عنها
عبد الحليم قنديل
كمال ابو عيطة
عصام الاسلامبولى
أمين اسكندر
احمد بهاء الدين شعبان
هاني حسن عبد الحليم
كريمة الحفناوى
عبد العزيز الحسيني
محمد إحسان عبد القدوس
محمد الأشقر
خالد عبد الحميد
احمد الصياد
محمود الزهيرى
كمال خليل
ساهر جاد
ليلى سويف
عايدة سيف الدولة
هيثم احمد محمود
موقع مركز هشام مبارك للقانون

القبض على جورج اسحاق من منزله

القت قوة من مباحث امن الدولة القبض على جورج اسحق المنسق العام المساعد لحركة كفاية من منزله قبل عشر دقائق كما تم القبض على الزميلة امينة عبد الرحمن اثناء تغطيتها للتحقيقات مع المتهمين فى احداث المحلة ويتوقع البعض ان تكون هذه بداية موجة جديدة من الاعتقالات على خلفية اضراب 6 بريل حيث اعتبرت النيابة كفاية احدى الجهات المحرضة على الاحتجاج العام الاخير

Tuesday, April 8, 2008

رسالة لمن يهمه الأمر


الرسالة دى جتنى فى تعليق على الأحداث بس أنا شايفة إنها مش مجرد رسالة لى دى رسالة لمصر كلها ودليل واضح على قذارة وإجرام مبارك وكلابه
إفرجوا عن وائل مصطفى زهرة وكل المعتقلين

اولياء امر said...
شوفوا البلطجة والتشرد وظلم اهل البلد لنفسه بيعمل إيهبلطجية المحلة المستأجرين كانوا وراء أحداث الشغب يوم 6 ابريل والى الآن 8 وكان من ضحايا هذه الأعمال التخريبية أن جنود الأمن جمعوا أهالي المحلة والأطفال عاطل مع باطلكان من بين هذه الضحايا وائل مصطفى زهرة طالب في الصف الثالث الثانوي ومن المتفوقين وحاصل على مجموع 98% في الصف الثاني الثانويوكان لسوء حظه راجع من درس اللغة العربية من حي شكري القوتلي في مدينة المحلة ومتجه لسوء حظه أيضا إلى منزله بميدان الشوان وهي كانت بؤرة وبداية أحداث الشغب وبمجرد وصول الميكروباص إلى الشون وأمام بيته ونزل الضحية وائل شقطة رجال الآمن ووضعوه في البوكس العربة الخضراء الكبيرة معزورين كانت العملية مولعة وجلس في البوكس من الساعة الرابعة والربع عصرا وحتى امتلئت العربة الساعة الثانية عشر ليلا وبدأت تتحرك إلى قسم أول المحلة وحتى الآن ما بين المحلة ومعسكرات ونيابات طنطاويارب يستر ولا يضيع مستقبل الطالب النابغة بشهادة مدرسية الحزانه عليه قلوبنا انفطرت على المحلة وما أصابها وعليك يا وائلارجع لنا أنت ومن مثلك يارب أرجعهم سالمين وجازي المخطئينفأنت تمهل ولا تهمل
April 8, 2008 12:05
PM

عائشة عبدالهادى وأحمد نظيف فى المحلة

: عائشة عبد الهادي واحمد نظيف في المحلة
احمد عبد الفتاح كلمني وقال لي لسة ماشيين حالا، اجتمعوا بحوالي 300 عامل من بتوع الامن وقعدوا يقولوا لبعض كلام حب متبادل ومشيوا احمد بيقول لي دول جم في تلات عربيات ومشيوا عشان ما حدش من العمال ياخد باله وما حدش من العمال عارف حاجة ومش ح يعرفوا غير من الاخبار لما يفاجأوا ان الوزيرة ورئيس الوزارة اجتمعوا بيهم من وراهموطبعا ما قالوش اي وعود محددة مافيش غير: احنا بنحبكوا وعايزين نزود الانتاج- امال واحنا كمان بنحبكوا وزودنا الانتاج
اخبار عن ان كريم البحيري ظهر
نقلا عن مدونة جبهة التهييس الشعبية

تحويل عمرو بدر للنيابة

تحديث
تم تحويل عمرو بدر لنيابة شبين القناطر واتهامه بتحريض المواطنين على عدم الاشتراك فى الانتخابات والتجمهر وسب رئيس الجمهورية برجاء ارسال محامين له
كما تم اعتقال مصور قناة الجزيرة ومساعده وكذلك اعتقال صحفية

إعتقال عمرو بدر

عااااااااااااااااااااااااااااااااااااااااجل
قامت قوات الأمن صباح اليوم بإعتقال صديقى وأخى عمرو بدر الصحفى بجريدة الدستور وصاحب مدونة نديم الليل أثناء تغطيته إنتخابات المحليات بشبين القناطر وتم اتهامه بالتجمهر وسب الرئيس
قلبى معاك يا عمرو انت وكل اخواتنا وأهالينا المعتقلين

قتلى وجرحى وعاهات مستديمة فى احداث 6 ابريل

القاهرة 8 أبريل (رويترز) - قال شهود عيان في مدينة المحلة الكبرى الصناعية التي تقع الى الشمال من القاهرة ان قوات الامن قتلت يوم الثلاثاء فتى خلال مداهمات لمنازل في المدينة التي شهدت اضطرابات على مدى اليومين الماضيين.وقال شاهد ان أحمد علي مبروك (15 عاما) كان يقف في شرفة منزله حين تعرض لاطلاق النار عليه من قبل الجنود.وأضاف أن مبروك أصيب بثلاث رصاصات في الرأس والرقبة ثم سقط من الشرفة وقد فارق الحياة.وقال الشهود ان الحادث وقع حوالي الساعة الواحدة صباحا بالتوقيت المحلي وان الجنود فروا من المكان بعد تجمهر بعض السكان الذين خرجوا من بيوتهم على صوت لاطلاق النار.ومبروك وهو تلميذ في مدرسة اعدادية هو أول قتيل يتأكد سقوطه في الاضطرابات التي أسفرت أيضا عن 65 جريحا بحسب تقديرات مصادر طبية بينهم أربعة فقئت عين لكل منهم واصابات خطيرة وبينهم حوالي 26 جنديا وثلاثة ضباط.وبعض المصابين تعرضوا لاستنشاق الغاز المسيل للدموع.وقالت مصادر أمنية ان الاضطرابات استمرت الى ما بعد منتصف ليل الاثنين وان متظاهرين ألقوا الزجاجات الحارقة على قوات الامن التي كانت تطلق عليهم قنابل الغاز المسيل للدموع.وقال مصدر ان الشرطة تحتجز بضع مئات من سكان المدينة التي يسكنها حوالي مليون ونصف المليون نسمة لاستجوابهم.وكان النائب العام عبد المجيد محمود قال في مؤتمر صحفي في المدينة يوم الاثنين ان عدد من ألقي القبض عليهم ووجهت لهم اتهامات هو 157 شخصا "سيتم اتخاذ الاجراءات القانونية ضدهم

Monday, April 7, 2008

عااااااااااااااااجل

عااااااااااااااااااااااااااااااااااااجل
حبس الشرقاوي والأشقر والعطار خمسة عشر يوما على ذمة التحقيقات برجاء نشر الخبر بين أصدقائك

Sunday, April 6, 2008

فجر هشام علام الصحفى بجريدة المصرى اليوم وصاحب مدونة الثائر دائما مفاجأة من العيار الثقيل على مدونته فقد نشر صور لعساكر بملابس الامن المركزى تهشم زجاج سيارة الأمن المركزى بأحد شوارع المحلة والتى ادعت وزارة البلطجية -الداخلية سابقا- ان المواطنين هم الذين حطموها واعتقلت بناء على هذا التلفيق القذر عدد كبير من العمال والمواطنين الأبرياء
قائمة هشام مبارك بأسماء المعتقلين
هذه قائمة مبدئية نشرها مركز هشام مبارك لحقوق الإنسان للمعتلقين اليوم في القاهرة و الاسكندرية و المنصورة والمحلة والبحيرة وتم نشرها على موقع الإضراب العام بمصر

اغلب معتقلي القاهرة محتجزون حاليا في معسكر للامن المركزي بالدراسة

المقبوض عليهم من القاهرة

1
محمد الأشقر
الجيزة
2
محمد الشرقاوى
الشيخ زايد
3
فتحى فريد
التحرير
4
محمد عبد القدوس
وسط البلد
5
رامى يحيى
التحرير
6
احمد الجيزاوى ( أفرج عنه )
القاهرة
7
بهاء صابر
وسط البلد
8
محمد على

9
ابراهيم فؤاد
التحرير
10
مالك مصطفى
المنيل
11
اكرم الأيرانى
المنيل
12
احمد سعيد
المنيل
13
حسن عبد الله

14
احمد بدوى -أفرج عنه

15
اسراء رشيد

16
شادى العدل

17
محمد فؤاد

18
محمد عواد

19
سارة عبد الرازق

20
سارة فخرى

21
احمد الهوارى - تم الإفراج عنه
عابدين
22
عمر احمد
عابدين
23
محمد سطوحى

24
عبدالله يحيى

25
مجدى حسين

26
ضياء الصاوى

27
محمد حمد

28
احمد عبد الجواد

29
محمود عبد اللطيف

30
محمد ابو المجد

31
غادة محمد جميل

32
علا كمال محمد

33
شاميلا - امريكى

المقبوض عليهم من الإسكندرية


1-
السيد احمد فودة
اسكندرية
5-
محمد سعد الوسيمى- افرج عنه
اسكندرية
2-
قطب حسانين
اسكندرية
6-
حازم الوكيل- افرج عنه
اسكندرية
3-
احمد ماجد
اسكندرية
7-
احمد محمد السيد
اسكندرية
4-
احمد العراقى نصار
اسكندرية




المقبوض عليهم من المنصورة -المصدر مدونة
حمدي قناوي
خالد الضهيرى
يحي محمودأحمد عبد الصادق
عشماوىأحمد عبد الفتاحد
د.سالم سلام
د.محمد عوض
د.حسام عبد الفتاح
محمد كمال
إبراهيم توفيق
سامى المنزلاوى
أحمد محمد الفراش
أحمد محمد عثمان
إبراهيم صالح
..... إيهاب
طارق البربرى
محمود مصطفى
سيدعبد اللطيف
محمودأيمن الجوهرى
وليد الحسينى
د. عبد الفتاح
أحمد محمد جمعة وشهرته أحمد الفلاح
أحمد أمين
إبراهيم عبد السلام -المحامى
حامد رزق -المحامى
محمد عمر -المحامى
م/ أسامة كامل
محمد مكاوى

اسماء لم ترد في قائمة هشام مبارك
المصدر وائل عباس و نورا يونس
احمد فؤاد -
تم الإفراج عنه
مجدي قرقر
ياسر اسماعيل
أحمد صلاح عبدالحميد
وليد صلاح
حاتم شعلان
ابراهيم السيد
محمد سلامة
محمد محمود
احمد فوزي
حازم المليجي
عبدالله عبد الناصر
هيثم عبد النبي
المحلة
كمال الفيومي
رامي المنشاوي
طارق السنوسي
سامح العروسي
وائل مصطفى زهرة -16 سنه
البحيرة
رضا صالح
علاء فخري
سعيد عبد المقصود


عاجل وهااااااااااااااام
أرسل لى الزميل شوقى رجب الخبر الآتى
تقوم الان قوات الامن بمحاولة اقتحام مقر حزب الجبهه فى المحلة الكبرى بعد ان لجأ اليه عدد من الاهالى خوفا من بطش قوات الامن التى تضرب وتلقى القبض على كل من يمر بالشارع , مقر حزب الجبهه به اكثر من 30 شخص بينهم النساء والاطفال وبين الأهالى الزميلة ندى صادق وابنتيها نادين أبوشادى وشهد أبو شادى
كما قامت الاهالى بايقاف السكة الحديد

قطع الكهرباء عن المحلة ومطاردة العمال واطلاق الرصاص عليهم بالشوارع

أنباء عن قطع التيار الكهربائي عن مدينة المحلة الكبرى‬‫اغلاق كل الطرق المؤدية الى المحلة - طريق طلخا سمنود وطريق كفر الشيخ وطريق المحلة طنطا وتحويل القطارات بعيدا عن المحلة
عمال المحلة بالالاف فى شوارع المحله والامن يطلق عليهم الرصاص الحى والقنابل المسيله للدموع وانباء عن مطارادات وحرب شوارع واصابات عديده وسقوط قتلى وجرحى باعداد كبيره
عمال المحلة بالالاف فى شوارع المحله والامن يطلق عليهم الرصاص الحى والقنابل المسيله للدموع وانباء عن مطارادات وحرب شوارع واصابات عديده وسقوط قتلى وجرحى باعداد كبيره

وزارة الداخلية تستعين بمسجلين خطر لإحراق مدينة المحلة وتلفيق التهم للمواطنين

بعد تصاعد المواجهات بين المتظاهرين والأمن تم إشعال النار فى مدرستين، هما مدرسة طه حسين وعبد الحى خليل، بجانب إحراق عدد كبير من المحلات التجارية وأتوبيس مدرسة وعدد من سيارات الأجرة بالإضافة إلى بعض إطارات السياراتوعلى جانب آخر أكد شهود عيان للجزيرة: الامن احضر مسجلين خطر قاموا بإتلاف الممتلكات الخاصة واحراقها واعتقل عدد من وعلى المواطنين على خلفية هذه الاحداث بزعم انهم هم من قاموا باحداث التخريب وحرقوا المنشآت والمدارس

مقتل مواطنين بالمحلة الكبرى وسقوط عشرات المصابين

أكد شهود عيان بمدينة المحلة الكبرى لجريدة البديل المستقلة المصرية حدوث اشتباكات بين الأمن والأهالى واستخدام الأمن القنابل المسيلة للدموع والهراوات والرصاص المطاطى نتج عنها سقوط العشرات من المصابين وقتل مواطنين شاب عمره 21عاما وطفل عمره 9 سنوات وتم اعتقال أكثر من 500 مواطن من المحلة الكبرى وحدها بخلاف 207 معتقل من محافظات القاهرة والاسكندرية ومحافظات أخرى وجارى حصر أعداد المصابين والتأكد من عدد القتلى لتردد أنباء عن سقوط اكثر من 4 قتلى آخرين ولكن المؤكد حتى الآن هو مقتل اثنين فقط
شهود عيان:قوات الامن أحضرت مسجلين خطر بالمحلة الكبرى قاموا بإحرق ممتلكات عامة وخاصة واعتقلوا عدد كبير من المواطنين بزعم انهم من قاموا بالتخريب وإثارة الشغب والتعرض للمتلكات العامة والخاصة
محمد الشرقاوى فى نيابة 6 أكتوبر يا ريت المحامين يروحوا له
http://news.search.yahoo.com/search/news;_ylt=A0WTTkjeEvlHyycANgTRtDMD;_ylu=X3oDMTBlM21mM3ZrBHNlYwNwYWdpbmF0aW9u?p=egypt&c=images&ei=UTF-8&datesort=1&fr=sfp&xargs=12KPjg1i9SroGmmvmnEOOIMLrcmUsOkZ7Fo5h7DOV5CtdY6hNdE%2DIfXpP0xZg6WO8T7xvSy7HBreVFdJGu277WVk0qfeO%5FIOvq3oqGnNVmI6zVXNLjt4B9lf%5Fq6oNvDE8%2E&pstart=4&c=images&b=11

شوفوا المحله الكبري كانت عامله ازاي
نقلا عن جروب لازم احنا نعيش علشان مصر تعيش
تظاهر أكثرمن خمسة ألاف مواطن بالمحلة بميدان الشون ، اختلط فيها الاهالي بالعمال ورددو الهتافات ضد النظام وارتفاع الاسعار وطالبو بزيادة الاجور ، والأمن يقوم بتفريق المظاهرة و الاعتداء علي المتظاهرين بالهراوات والقنابل المسيلة للدموع فى محولة لاجهاض المظاهرة وذكر ممثلو لجنة المحامين بالمحلة ان هناك عشرات من المصابين والجرحى، كما تم اعتقال العشرات من المواطنين منهم القادة العماليين بغزل المحلة كمال الفيومى، وطارق امين .سقوط عشرات المصابين ووفاه 4علي الأقل بينهم طفل واضرام النيران فى قطار السكه الحديدبعد اشتباك الامن مع المتظاهرين واطلاق الرصاص والقنابل المسيله للدموع
ونقلت مراسلة بي بي سي عزة محيي الدين عن مصادر امنية قولها إن عدد المعتقلين اليوم بلغ 207 قبض عليهم فى محافظات القاهرة والجيزة والإسكندرية والبحيرة وقنا .ومن بين المعتقلين اعضاء في أحزاب الغد والناصري والتجمع و حركة كفاية ومجدي أحمد حسين الأمين العام لحزب العمل المجمد
.

http://news.search.yahoo.com/search/news;_ylt=A0WTTkrPBvlHLAEAFRLRtDMD;_ylu=X3oDMTA4Mm84YjJyBHNlYwNzb3J0?ei=UTF-8&p=egypt&c=images&datesort=1&fr=sfp


صور من المحله الكبرى
نقلا عن جروب لازم نعيش احنا علشان مصر تعيش
http://www.facebook.com/wall.php?id=9984817206
الأوضاع تزداد سوءا فى المحلة الكبرى بعد تردد أنباء عن موت أحد المتظاهرين وأحد الاطفال، وتبدوالمدينة وكأنها فى حالة حرب، المظاهرات فى كل مكان، والشرطة تقوم بقمعها، وهناك تزايد فى اعداد المصابين والضحايا، وترددت انباء عن قيام الشرطة باطلاق الذخيرة الحية فى مواجهة المتظاهرين، وسماء المدينة ملبده بغيوم دخانها، و يتبرأاهالى المحلة من الصور التى تم عرضها فى نشرة التليفزيون المصرى الساعة السادسة ويؤكدون أن من ظهروا في تلك الصور هم أشخاص مسجلون خطر يتحركون تحت حماية قوات الشرطة وانهم قاموا ايضا بالاعتداء على المواطنين والمتظاهرين

إستمرار عمليات القبض العشوائى ، والإعتداء بالضرب على ثلاثة منهم (بقسم شرطة المنشية ) الـــــقــــــاهـــــرة
محمد عبد القدوس من أمام بائع الجرائد
محمد الشرقاوي - الشيخ زايد
محمد الأشقر -من مكتبه بالجيزة
فتحي فريد ميدان -التحرير
رامى يحي ميدان التحرير -التحرير
بهاء صابر -وسط البلد
محمد على
أحمد الجيزاوى
احمد عبد الجواد
أحمد بدوى
اسراء رشيد . شادى العدل
محمد فؤاد
محمد عواد
سارة عبد الرازق
سارة فخرى
احمد الهوارى-عابدين
عمر احمد -عابدين
ضياء الصاوى
مجدى حسين
محمد حمد
إبراهيم فؤاد- محمدالتحرير
أحمد السيد أحمد- جامعة حلوان
محمد سطوحى.
عبدالله يحيى
غادة محمد جميل
علا كمال محمد
مجدى قرقر
شوميلا-أمريكانى
نادية مبروك
شحاتة محمد الصيف -جامعة حلوان
لوجين
صفوان محمد فرغلى -كفاية
بالإضافة لكل من
أحمد فؤاد الدين - تيت راديو
مدحت شاكر
تطوارات مظاهرات المحلة
Hisham Mubarak Law Centerمركز هشام مبارك للقانون
Ahmed Ragheb
Today at 11:29am
مظاهرة المحلة تتحول الى ثلاثة مظاهرات وتنتقل من ميدان الشون بالمحلة الى ميادين الامام ، وأبو الفضل ، والمنشية الجديدة، كما قامت مجموعة من المتظاهرين بالتظاهر على قضبان السكك الحديدية لايقاف حركة القطارات ، وأمن الشركة يمنع العامل محمد العطار من مغادرة الشركة منذ الساعة الثالثة عصرا حتى الان ويتحفظ عليه اداريا بمكتب الامن تحت زعم انهم سيحضروا سيارة لتنقله الى منزله

تظاهر اكثر من خمسة ألآف مواطن بالمحلة الكبرى بميدان الشون تظاهر أكثرمن خمسة ألاف مواطن بالمحلة بميدان الشون ، اختلط فيها الاهالي بالعمال ورددو الهتافات ضد النظام وارتفاع الاسعار وطالبو بزيادة الاجور ، والأمن يقوم بتفريق المظاهرة و الاعتداء علي المتظاهرين بالهراوات والقنابل المسيلة للدموع فى محولة لاجهاض المظاهرة وذكر ممثلو لجنة المحامين بالمحلة ان هناك عشرات من المصابين والجرحى، كما تم اعتقال العشرات من المواطنين منهم القادة العماليين بغزل المحلة

كمال الفيومى
وطارق امين

المقبوض عليهم من دمنهور واسكندريه جبهه الدفاع عن متظاهرى مصر
To members of الفلاحين غلابه
Mohamed AbdelazizToday at 10:41
جبهه الدفاع عن متظاهرى مصر الأسكندريه والبحيرة ودمنهور
رضا محمد صالح
محام علاء فخرى -كفاية
سعيد عبد المقصود – كفايه
د/عادل العطار – منسق كفايه بحيرة
هشام الجندى –تجمع
د/ محمد برانيه – ناصرى
احمد ميلاد – محام – غد
جمال منيب – ناصرى
عمرو الحصاوى – ناصرى
مسعد الديب
محمد عبد الوهاب محام
د/ حليم الجندى
طارق السعيد ابو شعرة غد
حسام حسين يونس
بهاء عبد العظيم البسطويسى –حزب الجبهه
ايمن الحوفى محام
عصام جويدة –كفايه
يحيى ابو شعرة محتجزين بقسم شرطه دمنهور فى انتظار عرضهم على النيابه واحتمال العرض مساءا تم القبض على المتظاهرين الساعه الواحدة والنصف ظهرا من ميدان الساعة بدمنهور ومازال هناك اعتصام بنقابه المحامين لأكثر من 100 شخص .. تم الاعتداء على بعض الفتيات من قبل المخبرين وتم سرقه المحمول واصيبت امنيه ابو طالب نتيجه الأعتداءت كفر الدوار حاله من الهدوء فى كفر الدوار واغلاق معظم المحلات بكفر الدوار وحاله سكون تامه بالمدينه .اسكندريه ضرب كل المتواجدين امام الحقانيه بالأضافه الى عمليات تفتيش لكل الدخول والخروج لمحطه السكه الحديد " محطه مصر "فى تمام الساعه الثالثه عصرا تم القبض على كل من
كمال السيد احمد كرار
صلاح محمد السايح
احمد جابر
ايمن عز الدين
احمد عراقى وشهرته احمد نصار
محمد السيدات
والسادة: ماهر شريف
مسعد سالم
رفيق
شريف
نجلاء
زهيرة
تم اقتيادهم عن طريق سيارة " مكتوب عليها حكومه " وغير معروف مكان احتجازهم حتى الأن جبهه الدفاع عن متظاهرى مصر الساعه 4 عصرا
القبض على أحد الأمهات التي جاءت للمشاركة في الإضراب في ميدان التحرير وترك طفليها وحدهم في الشارع
فتيات الجامعة الأمريكية المقبوض عليهن وقفوا امام اسماعيل الشاعر بارغفة خبر يقضمونها ويبصقونها احتجاجا على رداءة الرغيف فقبضت عليهم الشرطة
القبض على مجدي أحمد حسين وضياء الصاوي وعدد من نشطاء حزب العمل بمصر القديمة
سبعة اسماء جديدة للمقبوض عليهم من البورصة
المدون احمد بدوي
ومحمد فؤاد ومحمد عبد الوهاب
وسارة فكري
وسارة عبد الرزاق
من ميدان التحرير قوات الامن تعتدي بالضرب على ثلاث فتيات من الجامعة الأمريكية
وتلقي القبض عليهم والقاء القبض على عدد من نشطاء الغد من ميدان التحرير وطلعت حرب 24 اسماعيل الشاعر يجلس في ميدان التحرير بنفسه مرتديا ملابس مدنية وتشويش واضح وضعف في
اتصالات المحمول في ميدان التحرير برغم كل محطات التقوية القبض على على حوالي ثمانية نشطاء من قهوة البورصة والقهاوي المحيطة وهم الان في سيارة ترحيلات ومنهم
محمد عواد
واسراء عبد الفتاح
وشادي العدل
وحازم
45 مصدر في وزارة الداخلية
- 900 سيارة أمن مركزي في شوارع مصر اليوم - بدء العمل المنتظم بالوردية في مصانع المحلة
اعتقال المدون احمد الجيزاوي
والامن يجبر عمال المحلة على العمل بالضرب وانباء عن اعتقالات في صفوف العمال 57 قوات كثيفة من الشرطة على رصيف قطار محطة المحلة الكبرى
قيادات العمال تعلن الغاء اضراب المحلة واحمد السقا يوقف تصوير فيلمه اليوم تضامنا مع
الإضراب
يا رب تويتر يبطل يعطل النهارده ورجاء موافاتنا بالأخبار لكل من يعلم أو يوجد تجمع من حوالي خمسون شخصا أمام هارديز ميدان
التحرير ناصية الجامعة الأمريكية
قسم شرطة الشيخ زايد يرفض تحرير محضر باختطاف الشرقاوي وينفي وجوده في حجز القسم
جريدة الوعي المصري الإلكترونية
وائل عباس- تويتر
تم القبض علي كلا من
إبراهيم فؤاد
وبهاء صابرمن حركة كفاية
والمدون فتحي فريد من أقباط بلا حدود
و إسراء عبد الفتاح من حزب الغد
والناشط محمد عواد من حركة كفاية
والباحث شادي العدل من حزب الغد
والصحفي الكبير محمد عبد القدوس
والمهندس محمد الأشقر
و محمد الشرقاوي من حركة كفاية
ومالك مصطفي من حزب الوسط
والزميل حازم المليجي من حزب الغد
و المدون والمحامى أحمد الجيزاوي من حزب العمل
قوات الامن المصرية تصادر شريط كاميرا فريق البي بي سي العربية في ميدان الجيزة ---------------------تقرير من مصدر مطلع بوزارة التربية والتعليم يشير الى انخفاض التواجد الطلابي اليوم بشكل كبير نظرا لخوف أولياء الأمور على ذويهم فى حالة حدوث صدامات بين الجمهور وقوات الأمن ..وبينا للحكومة تقول فيه ان سبب "فشل الاضراب"يرجع لسؤ الأحوال الجوية تقرير هام لشبكة البي بي سي عن الاضراباقراه كاملا على الجروبمصراويحذرت وزارة الداخلية بأن أجهزة الأمن سوف تتخذ اجراءات فورية حازمة تجاه اي محاولة للتظاهر أو تعطيل حركة المرور أو اعاقة العمل بالمرافق العامة حماية للصالح العام ؛ وأصدرت وزارة الداخلية بيانا السبت قالت فيه ان البعض من محترفي الاثارة والتيارات غير الشرعية اخذوا في الفترة الاخيرة في الترويج لمنطلقات ودعاوي وشعارات مضللة وعمدوا إلي الدعوة لوقفات احتجاجية وللتظاهر وللتوقف عن العمل اليوم 6 أبريل وتعطيل الاعمال مما أوجد انطباعات خاطئة لدي البعض من المواطنين وأكدت الداخلية علي ان جميع انشطة مؤسسات الدولة وقطاعاتها الخدمية والانتاجية والدراسية منتظمة في عملها اليوم
BBC ARABIAعمال مصريون يقولون إن قوات الأمن منعتهم من تنظيم الإضراب الذي كان مقررا اليوم في معمل النسيج بالمحلة الكبرى، وأنباء عن اعتقال نحو 150 عاملا والقاء القبض على الناشط محمد الشرقاوى من امام منزله
تواجد أمنى مكثف داخل جامعة المنيا والمنصورة والقاهرة والزقازيق وبنها والمنوفيةالتفاصيل على جروب لازم نعيش احنا عشان مصر تعيش
جبهة الدفاع عن متظاهرى مصر البيان الثامن
بعد التراجع عن القرار بالإفراج عنهم من قسم الشرطةإحالة ثلاثة من النشطاء السياسيين للعرض على نيابة مصر القديمةالقاهرة فى 5/4/2008 بعد أن قامت مباحث قسم شرطة مصر القديمة بتسليم ثلاثة من النشطاء بطاقاتهم الشخصية تمهيداً لخروجهم من القسم فوجئ محامين الجبهة بعدم الإفراج عنهم وإحالتهم لعرضهم على نيابة مصر القديمة بالمحضر رقم 6501 لسنة 2008إداري مصر القديمة.والمتهمين فى المحضر هم
أحمد سعد دومه
حسن عبد الله حسن
أكرم الإيراني
مدحت شاكر
ونحن فى انتظار عرض النشطاء على النيابة ،بينما لا يزال قسم شرطة مصر القديمة يحتجز "مالك مصطفى" ولم يتحدد مصيره بعد
تم اليوم اعتقال قيادات وأعضاء حزب العمل اعتقال
سعيد كامل الطنطاوى
أمين حزب العمل بمحافظة السويس وعضو اللجنة العليا
واعتقال أكرم الايرانى عضو اللجنة العليا وقيادة اتحاد الشباب
وحسن عبد الله من قيادات اتحاد الشباب
واعتقل أحمد دومة المدون و من نشطاء كفاية
ومن قبل اعتقل مصطفى خليل من قيادات العمل بالدقهلية
واعتقال أيمن حسن أمين الحزب فى القنطرة غرب بالاسماعيلية
كما تم اعتقال المدون مالك مصطفى
ومدحت شاكر
وصرح مسئول الاعلام بحزب العمل بأن انتفاضة 6 ابريل ستقوم بإذن الله مهما فعل الأمن الليلة وغدا ومن المتوقع قيام حمله اعتقالات كبيرة فى صفوف المعارضه اليله وغدا
صور اكرم الايرانى وحسن عبد الله واحمد دومه ومدحت شاكر اثناء ترحيلهم من سرايه النيابه الى قسم شرطه مصر القديمه بمدونة ممنوع
وقد قررت النيابه عرضهم غدا مرة اخرة على النيابه لاستكمال التحقيق وكان النشطاء متهمين بتهمه توزيع منشورات واثارة الجماهير على الراى العام وتكدير الامن العام
هذا الخبر وصور بعض المقبوض عليهم بمدونة ممنوع
April 05, 2008
استمرار حبس اسامة محمد احمد محمد طالب في شريعه وقانون 15 يوما بتهمة اثارة الشغب والدعوه للاضراب

Thursday, February 14, 2008

هابى فلانتين


بأى حال عدت يا عيد

النهاردة عيد الحب كل سنة وكل حبيبين طيبين

بس أنا مش عاوزة حد يبعت لى كروت ولا معايدات والكلام ده

لأن خلاص مع الأسف مش بقيت أحس بيه فقدت ايمانى بوجود حب حقيقى

وكمان قررت إنى مش هاحب ولا عاوزة أوجع قلبى تانى

مفيش حاجة اسمها حب الحوارده انتهى عندى تمااااااااااااما

لكن ده ما يمنعش إن أقول لكل اللى لسة مؤمنين بوجوده

هاااااااااااااابى فلانتييييييين

Saturday, February 9, 2008

رحل فارس الكلمة


رحل فارس الكلمة الجميل والإعلامى الشجاع والصحفى النبيل مجدى مهنا

ربنا يرحمك و ينير قبرك وييسر حسابك ويدخلك فسيح جناته إن شاء الله

أنا اتقابلت معاك مرة واحدة فقط لكن لسة فاكرة ابتسامتك الصافية الجميلة

وكلامك لى فى ودانى لدلوقت لما قلت لى بكرة بتاعكم يا شباب

اوعوا تسيبوه لغيركم من المدعين ولا انصاف الموهوبين

واوعوا تتنازلوا عنه ولا تفرطوا فيه واتاكدوا إن انتم بكرة

أوعدك يا أستاذ مجدى إن بكرة بتاعنا وهنملكه بإذن الله

وهنحقق تجربتنا رغم انف الحاقدين والمدعين والبقالين ومساحين الجزم

هنرجع نملك تجربتنا وقرارنا ونثبت أحقيتنا فى الريادة والقيادة

أوعدك


Saturday, January 26, 2008

إنك لميت وإنهم لميتون

إنك لميت وإنهم لميتون








اليوم سوهارتو وغدا مبارك

ده كان ده شعار رددناه واحنا طلبة فى مظاهرات الجامعة فى مارس 98 لما قامت إحتجاجات شعبية
أسقطت الديكتاتور الإندونيسى سوهارتو واللى حكم اندونيسيا بقبضة حديدية لمدة 32 عام انتهك فيها
حقوق الإنسان وقمع المواطنين واعتقل السياسيين واستطاع بمجهوداته العظيمة فى القمع والقهر
والتعذيب الدخول فى منافسة حامية مع قرينه الديكتاتور المصرى مبارك وبدأ الاتنين فى التنافس على
المرتبة الاعلى فى قوائم أسوأ ديكتاتور فى العالم بس مع الأسف عدت السنين سوهارتو طار ومبارك زى ما هو قاعد
ومربع على قلوبنا مش عارفة هو عاوز يفضل كدة لمدة 32 سنة هو كمان ولا إيه ؟ عندى أمل بتدخل
إلهى سريع إن شاء الله

النهاردة قريت خبر وفاة سوهارتو بعد ما عانى من كل أمراض الدنيا القلب والرئتين والكلى وقلت طب ما ريسنا
أمراضه كتييييييير برضوا الله يريحه من كل أمراضه آميييييييييييييين

بس مش عارفة ليه عملت مقارنة سريعة بين الاتنين

الأول ديكتاتور وصاحبنا شرحه حاصل على مرتبات عالية جدا فى الحدوتة دى

الأول حكم بقبضة من حديد والتانى الحديد نفسه

الأول عذب وقمع وقهر واستبد التانى تاريخ حافل من القمع والقهر والفساد

الأول حكم 32 سنة ولمدة سبع فترات متواصلة طب ما التانى حكم أكتر من 25 سنة ورا بعض بلا منازع

الأول حول بلاده من فقر إلى رخاء نسبى بس ده ما خلاش الناس تغفر له والتانى دخل على مصر برجله
الشمال فخلاها أرض جدباء لازرع فيها ولا ماء

الأول مريض بأمراض الشيخوخة طب ما هو السبعينات زى التمانينات كلها شيخوخة


الأول الثورة الشعبية طيرته من على الكرسى والتانى قاعد على قلوبنا

الأول مات النهاردة طب ما التانى ان شاء الله هيحصله قريب جدااااااا

وصدق الله العظيم عندما قال

إنك لميت وإنهم لميتون

Friday, January 25, 2008

النهاردة عيد الشرطة صباحه تعذيب يا مواطن




النهاردة عيد الشرطة إن شاء الله السنة دى كل زبانية التعذيب يكونوا مرميين فى السجون ولا متعلقين من رقابهم فى الميادين جزاء جرايمهم فى حق الشعب المصرى

مش هاقعد اتكلم عن الظباط وساديتهم ولا عن اللى بيعملوه فى الناس فى الأقسام والمراكز ومقرات مباحث أمن الدولة وكمان فى السجون لأن الكل عارف أد إيه هما فجرة وساديين ومرضى نفسيين ،ومش هانشر صور تعذيب ولا هألمكم بيها تانى بس أكيد يومهم قرب لان دايما أى شئ بيصل للقمة لازم ينهار وهما فجرهم وصل لأقصى مدى و كل بيت فى مصر فى شاهد على قذارتهم وجرايمهم واللى بيعملوه فى الناس العالم كله بيتكلم عليه وطبعا الديكتاتور الكبير متصيت بيهم ومشهور بجرايمهم علشان كدة متبت فى العادلى سنجة بايديه واسنانه ومش عاوز يغيره رغم ان طوب الأرض فى مصر بيدعى عليه وطبعا معاه حق ما هو دايما متصدرقوائم العالم فى الديكتاتورية والتعذيب

وطبعا لأن الكبير كبير ومش نص نص نص فالحاج أبو جمال دايما على رأس القايمة وده مثال أكيد سمعتوا عنه موقع بارادى دوت كوم عمل استطلاع عن أسوأ ديكتاتور فى العالم وطبعا النتيجة معروفة لكن انتوا ممكن تقروا وتشوفوا المسخرة بنفسكم من اللينك ده
Who Is the World’s Worst Dictator?




تحية ظباط الشرطة : صباحه تعذيب يا مواطن

نشاطهم : 16 قضية تعذيب فى الشهر الواحد

قسم ضباط الشرطة امام رب الكرسى العظيم

أقسم برب العرش العظيم الرئيس محمد حسنى مبارك ووزير داخليته حبيب العادلى حاليا ومن يستجد لاحقا أن أهين الفرد والوطن وأن أمزق العلم وان أعذب واقتل الأطفال والرجال والشيوخ و ان أغتصب النساء وأتحرش بالفتيات وأن اخرق كل المواثيق الدولية لحقوق الانسان وأن اعمل جاهدا على ترويع الآمنين وتفريق المتظاهرين وتلفيق التهم للناشطين وملفى على ما اقول شهيد


مركز النديم نشر قايمة بضحايا التعذيب والمجرمين الظباط وتواريخ الوقائع وأماكن حدوثها ونشرها الصحفى الجميل عرباوى عنده على مدونته وده اللينك بتاعها يا دوب ادخل واضغط على أى سكشن وانت هتقرا كل حاجة عن جرايم كلاب الداخلية موثقة بالتقارير الحقوقية ومحاضر نيابة كمان فى معظم الحالات عندك14 سكشن ولو عاوز تجيب من الاخر اضغط على لينك القايمة السودا للتعذيب واتفرج على ملفات الباشوات اللى موجودة دلوقت بالمحاكم الدولية لعل وعسى نقدر فى يوم نحاكمهم ونخلص منهم

أنا كنت كتبت القايمة هنا كاملة لكن صديق أشار على بانى اقسم التدوينة أو اختصر منها لأنها كبيرة أوى علشان كدة اقروها هنا
http://arabist.net/arabawy/2008/01/11/torture-in-egypt-the-nadeem-centers-report/