Friday, January 25, 2008

النهاردة عيد الشرطة صباحه تعذيب يا مواطن




النهاردة عيد الشرطة إن شاء الله السنة دى كل زبانية التعذيب يكونوا مرميين فى السجون ولا متعلقين من رقابهم فى الميادين جزاء جرايمهم فى حق الشعب المصرى

مش هاقعد اتكلم عن الظباط وساديتهم ولا عن اللى بيعملوه فى الناس فى الأقسام والمراكز ومقرات مباحث أمن الدولة وكمان فى السجون لأن الكل عارف أد إيه هما فجرة وساديين ومرضى نفسيين ،ومش هانشر صور تعذيب ولا هألمكم بيها تانى بس أكيد يومهم قرب لان دايما أى شئ بيصل للقمة لازم ينهار وهما فجرهم وصل لأقصى مدى و كل بيت فى مصر فى شاهد على قذارتهم وجرايمهم واللى بيعملوه فى الناس العالم كله بيتكلم عليه وطبعا الديكتاتور الكبير متصيت بيهم ومشهور بجرايمهم علشان كدة متبت فى العادلى سنجة بايديه واسنانه ومش عاوز يغيره رغم ان طوب الأرض فى مصر بيدعى عليه وطبعا معاه حق ما هو دايما متصدرقوائم العالم فى الديكتاتورية والتعذيب

وطبعا لأن الكبير كبير ومش نص نص نص فالحاج أبو جمال دايما على رأس القايمة وده مثال أكيد سمعتوا عنه موقع بارادى دوت كوم عمل استطلاع عن أسوأ ديكتاتور فى العالم وطبعا النتيجة معروفة لكن انتوا ممكن تقروا وتشوفوا المسخرة بنفسكم من اللينك ده
Who Is the World’s Worst Dictator?




تحية ظباط الشرطة : صباحه تعذيب يا مواطن

نشاطهم : 16 قضية تعذيب فى الشهر الواحد

قسم ضباط الشرطة امام رب الكرسى العظيم

أقسم برب العرش العظيم الرئيس محمد حسنى مبارك ووزير داخليته حبيب العادلى حاليا ومن يستجد لاحقا أن أهين الفرد والوطن وأن أمزق العلم وان أعذب واقتل الأطفال والرجال والشيوخ و ان أغتصب النساء وأتحرش بالفتيات وأن اخرق كل المواثيق الدولية لحقوق الانسان وأن اعمل جاهدا على ترويع الآمنين وتفريق المتظاهرين وتلفيق التهم للناشطين وملفى على ما اقول شهيد


مركز النديم نشر قايمة بضحايا التعذيب والمجرمين الظباط وتواريخ الوقائع وأماكن حدوثها ونشرها الصحفى الجميل عرباوى عنده على مدونته وده اللينك بتاعها يا دوب ادخل واضغط على أى سكشن وانت هتقرا كل حاجة عن جرايم كلاب الداخلية موثقة بالتقارير الحقوقية ومحاضر نيابة كمان فى معظم الحالات عندك14 سكشن ولو عاوز تجيب من الاخر اضغط على لينك القايمة السودا للتعذيب واتفرج على ملفات الباشوات اللى موجودة دلوقت بالمحاكم الدولية لعل وعسى نقدر فى يوم نحاكمهم ونخلص منهم

أنا كنت كتبت القايمة هنا كاملة لكن صديق أشار على بانى اقسم التدوينة أو اختصر منها لأنها كبيرة أوى علشان كدة اقروها هنا
http://arabist.net/arabawy/2008/01/11/torture-in-egypt-the-nadeem-centers-report/

4 comments:

Anonymous said...

طبعا يا استاذة وبمناسبة عيد الشرطة ، امبارح حبيب العادلي بعت لنا رجالته كلهم الاشاوس علي ميدان التحرير عشان يشاركونا في المظاهرة ، كنا حوالي 20 واحد بالظبط وكانوا جايبين لنا امن مركزي ومكافحة شغب ، غير ان القيادات الامنية اللي كانت موجودة كانت اضعاف اضعافنا ودخل السيد العقيد اللي معرفش اسمه وقالنا يا تمشوا يا هنقبض عليكوا وبدأوا بقي زق وقلة ادب كالعادة ، واضح ان الناس دي يا عيني عليهم بيتعبوا حتي في الاعياد ، بجد احنا لو في وطن محترم كان زمان حبيب العادلي ورجالته جوة السجون لكن للاسف نحن في وطن يعطي من لايستحق كل شئ اما من يستحقون فمصيرهم البهدلة والسحل والمرمطة هقول ايه بس واعيد ايه بركاتك يا شيخ جيمي انت وفكرك الجديد ، بس برضه رغم قهركم وظلمكم هنفضل نقاوم ومش هنركع ابدا

وعلي رأيك يا عبير
اصغر بنت سياسية بكل كلابك يا داخلية

Anonymous said...

عبير
اشكرك على استجابتك لطلبى وطلب بعض من علقوا غلى تدوينتك السابقة وطلبنا منكى الاستمرار فى الكتابة على المدونة اشكرك لاستمرارك فى اداء دورك الذى هو دور كل الشرفاء فى هذا الوطن وهو فضح ممارسات التعذيب والقمع التى يتعرض لها المواطن المصرى وربما ان ما لم تذكريه ابنتى فى هذا الموضع هو تعرضك شخصيا للعديد من تلك الجرائم منذ أن كنتى طالبة وكان انذاك يتم تعذيبك فى جابر بن حيان مقر أمن الدولة بالجيزة فاكرة جابر بن حيان يا عبير وفاكره اللى كان بيحصل لبناتنا فيه انا على يقين انكى ما زلتى تذكرين بدليل أنكى تكتبى ما كتبتى فانتى شاهدة عيان ولستى شاهدة سماع أعدكى يا عبير بأننا فى يوم قريب ان شاء الله سنحاكم كل الجلادين كل من عذبوا شعبنا وكل من قمعوه واستغلوه ونهبوه سنحاكمهم يا عبير قريبا فهذا النظام الذى يظن نفسه قويا قد اهترأ وعما قريب سوف يكون فى الزنازين التى طالما حبسوا الشرفاء فيها

DantY ElMasrY said...

العزيزة جدا عبير العسكرى
يا ريت تقسمى البوست بأى طريقة علشان انا وناس كتير اشتكينا من ان الموضوع طويل ومتشعب
بصراحة انا كنت متحمس للقراية بس خفت
كبر خطك وصغرى البوست لو حتى هاتنزليه على مراحل
أخيرا فى مثل محترم بيقول
إذا سقطت المرأة صارت عاهرة وإذا سقط الرجل صار شرطيا

mohamed el-kholy said...

لابد ان اليوم الذى سنشاهد هؤلاء السفله معلقين على المشانق فى أكبر الميلدين بالبلد قد اقترب أسعدنى جدا نموقف حصل قدامى وانا راكب ميركوباص ظابط شايف نفسه قال للسواق لركن يابن كذا ........وانزل فرد عليه السواق انت اللى ابن كذا ......... ومش هنزل وانا معملتش مخالفه عشان تحاسبنى عليها ولو عملت المخالفة ملكش حق تشتمنى
الظابط اتجن جنونه حاول يضرب السواق بمساعدة شويه الكلاب بتوعة لكن الناس كلها وقفت مع السواق وقالوا لو مديت ايدك عليه مش هتعرف ايه اللى هيحصلك انت ورجلتك دول الظابط فى خزى البنت العاهره وهى مقبوض عليها دير وشه وأمر عساكرة بالانصراف ومقدرش يتكبلم كلمه واحده هو صحيح انا معرفش السواق مصيرة ايه دلوقتى لكن الموقف ده فرحنى قوووووووى
يعنى من الاخر ولابد من يوم معلوم تترد فيه المظالم ابيض على كل مظلوم واسود على كل ظالم