Saturday, April 16, 2011
Sunday, April 10, 2011
المجلس العسكري ليس فوق المسائلة وعليه اعاده شحن البطاقة لنفاذ رصيده
استمريت في متابعة ملف حقوق الانسان والحريات واهتم به وانشره وقررت عمل جريدتي بكندا"صوتنا" ونشرت بها عن آلام الوطن الأم وآلام أمتنا العربية..في لحظات كثيرة كنت ابكي بالغربة ولكن كان شتات اصحابي من الصحفيين الحقيقيين من ذوي الكفاءات وعدم استقرارهم واصرار الأجهزة الأمنية علي ملاحقتهم بل واغلاق مصادر الرزق أمامهم وحرمانهم لفترات طويلة من الكتابة او الظهور بأي صحيفة او حتي قنوات فضائية خاصة بالاضافة الي اغلاق صحفهم وملاحقتهم بالحبس في قضايا النشر كل ذلك كان يجبرني علي تقبل الغربة والتعايش معها بل وتطوير نفسي مهنيا وانسانيا
قبل الثوره اعتدت علي مناكفات ابواق الحكومة في الصحف القومية ومطبلاتية النظام السابق والرئيس المخلوع وقليل ما كان هناك مناكفات بيني وبين نشطاء وصحفيين بصحف مستقلة زميلة
والصادم والمؤسف ان المناكفات الاخري هي التي كانت اكثر شراسة وهذا إعمالا لمقولة"ماعدوك الا ابن كارك" يعني ابن مجالك ومهنتك ومع الاسف بتكون مناكفات النخب في كثير من الأحيان لا تحكمها معايير مهنية او اخلاقية لأنها تعتمد علي التشويه والتخوين لأننا اعتدنا أن من ليس معي فهو بالبديهة ضدي وعدوي وبقائي يعتمد علي إقصائه ..وتبدأ سلسة التخوين من اول العمالة لرئيس التحرير او رئيس القسم مرورا بالعمالة للمباحث وامن الدولة والامن القومي والمخابرات ولما ربنا يكرم حد زيي ويسافر برة تكبر عمالته وتوصل للمخابرات الامريكية والكندية وغيرهم - طبعا مش لكل عميل نصيب ولا ايه -
لم ادخل مثل هذه المناكفات حفاظا علي روابط الصداقة مع الكثيرين ممن حولي ولكن كنت ممن يتعرضون للضرب من تحت الحزام من آن لآخر لأن ليس لي حسابات شخصية تجبرني علي مناصرة احد دون قناعتي بأحقيته في هذا الدعم وهذا قد يغضب البعض مني احيانا ولكني لا ابالي ما دمت راضية عما أفعل
كان الصراع علي اشده قبل الثوره بفترة قريبة بين مؤيدي مبارك ومعارضيه وكانت نفس التهم المعلبه يلقيها كل فريق في وجه الاخر ..المؤيدين اتهموا الطرف الاخر بأنهم قلة مندسة تسعي لقلب نظام الحكم وتكدير الامن القومي والتشكيك في نزاهة ووطنية قائد السلم ولحرب والعمل لصالح جهات اجنبية أما المعارضين فبدورهم قاموا بإتهام مؤيدي الرئيس المخلوع بأنهم مأجورين ومطبلاتية الرئيس وأنهم يسعون الي اعتلاء مناصب ما او تحقيق مصالح شخصية وطبعا العمالة والتخوين والتهم الاساسية دي
من زمان واحنا مشكلتنا اننا متعودناش نسمع بعض وده اللي حصل كمان بعد الثورة..كلنا فرحنا ورقصنا في الشوارع بعد التنحي وبعد اعلان الجيش ان هو اللي هيدير شئون البلاد لفترة لحين تسليمها لحكومة مدنية بس ايه اللي حصل؟؟؟ بدأنا نكرر نفس سيناريو ما قبل الثوره ونجح المجلس العسكري في إنه يقسم الناس بذكاء ويعتمد علي سياسة فرق تسد وهذا عندما اختار نشطاء تتكلم باسم الشعب والثوار وعمل ما يسمي بالحوار الوطني وبدأت المعاناه من شدة الهجوم علي هؤلاء الناشطين علي الفيسبوك والمدونات وكل حد يقول احنا منعرفش مين دول ..احنا نعرف كام اسم بس والباقي كانوا فين ايام الثوره؟ والمشكلة انه اصبح المجموعة دي -او بعضهم للدقة والامانة- بما فيها بعض الكتاب والصحفيين اللي باكن لهم احترام وتقدير الناطقين الرسميين باسم المجلس العسكري ودأبوا علي تبرير كل تصرفات المجلس من اول ما ضرب المتظاهرين بعد التنحي بفترة بسيطة وطلع ممثل ليهم قال" رصيدنا لديكم يسمح بذلك" وقبلنا الاعتذار وقلنا وماله دول لسة شاحنين كارد كامل ويادوب استهلكوا منه حاجة بسيطة .وبعد كدة بدأت انتهاكات كتير تحصل تفوق اللي كان بيحصل من زبانية التعذيب وشواذ أمن الدولة مثل اقتحام الحرم الجامعي والاعتداء علي طلبة كلية الإعلام وكلية دار العلوم والاعتداء بالضرب علي الطلبة وأساتذتنا اللي بنجلهم ونحترمهم والفيديوهات واضحة والظباط بيضربوا البنات بعنف وهمجية ومحدش اتدخل ولا اتحولوا دول للتحقيق في حين انا فاكره ان كل الصحف المستقلة قبل الثوره هاجت وقلبت الدنيا علشان ظابط حرس ضرب بنت بالشلوت واتعمل مظاهرات في طنطا والدنيا قامت مقعدتش بس هنا الكل سكت او كلمتين وعدوا جري علشان منقلبش الشعب علي الجيش ومتحصلش الفتنة!!..وبدل ما المجلس ياخدها بجميلة طيب ويبطل بلطجة عسكرية قام الاشاوس ضربوا البنات والنشطاء في يوم المرأه العالمي في ٩ مارس وخطفوهم في لاظوغلي المجلس العسكري والكائن حاليا بالمتحف المصري واتضربوا واتهانوا واخدوا البنات وعملوا لهم اختبارات عذرية واول ما لقينا الخبر ده علي رويترز وكتبنا علي الفيس بوك المجلس كذب وقال محصلش ورويترز قالت حصل فقلنا لا نصدق المجلس لان كتير من النشطاء مكتبوش ولا أكدوا وقالوا محاولات الوقيعة بين الجيش والشعب مستمرة فقلت ماشي يا بنت خليكي ذكية ومتعمليش فتنة وكفاية انك من اصحاب الاجندات اللي كانوا بيقولوا عليهم قبل الثوره بس مع الاسف بعد يومين ضحايا اعتداءات ٩ مارس عملوا مؤتمر وحكوا فيه ازاي تم عمل اختبارات عذرية ليهم والفيدوهات موجوده علي يوتيوب وهنا في المدونة وكمان فيها شهود عيان معروفين ومينفعش نشكك في شهاداتهم ومع الاسف الكل خرس ومحدش قال نجيب حق البنات وان اللي حصل ده هتك عرض ميتسكتش عليه واتقالي لما نشرت اهدي وبعقل يا عبير لأن ملناش غير الجيش ودي حوادث فردية .نفس مبرر الداخلية اياما مبارك دايما مع اي انتهاك يحصل يتقال ده حادث فردي..وسكتناااا
وجاءت احداث الجمعة الدامية التي تعامل فيها المجلس بعنجهية مرفوضة وبلطجة مع المتظاهرين المدنيين واتعامل معاهم برصاص حي ومطاطي وكلاب وفرقة ٧٧٧ الانتحارية والشرطة العسكرية وكل ده علي اييييييه؟ علي ظباط اعتصموا وسط الناس ؟؟؟؟ ماشي انا ضد اعتصام العسكر بلبسهم العسكري وده لتوضيح رأيي من البداية لكن لو هم ارتكبوا خطأ بتصرفهم ده فالمجلس ارتكب خطيئة وفرق كبيره بين الخطأ والخطيئة وقبل ما اعلق علي الجريمة دي عاوزه اسأل المجلس العسكري الاسئلة دي وياريت يجاوبوا عليها: مين اللي سمح للظباط المعتصمين يدخلوا بزيهم الرسمي ويعتصموا اصلا وسط الناس ؟ لماذا لم يتم القبض عليهم من قبل ما يوصلوا للميدان وخصوصا انهم اعلنوا عن الاعتصام ده قبل ميعاده بكام يوم وقالوا اساميهم كمان يعني يتلموا في نص ساعة أو أقل؟ مين اللي سمح لبلطجية ابراهيم كالمل تدخل وليه ما اعتقلوش البلطجية دول ده من ايام موقعة الجمل؟ هل القبض علي الظباط دول كان بالاهمية والخطورة اللي تخلي المجلس العسكري يعمل المجزرة دي ويروع المدنيين؟ هل مكنش ممكن يتقبض عليهم بطريقة تانية اقل عنفا ودموية من كدة؟
الاخطر اللي حصل بعد الاحداث دي وهو انقسام الناس والنشطاء لقسمين وكل قسم فيه ناس محترمة ووطنية جداا ولا يمكن التشكيك فيهم والشتايم والخناقات والمقالات والاتهامات المتبادلة ..اللي مع التصرف بيقولوا اصل الظباط دول خاينين والناس اللي كانوا معاهم بلطجية ومتشردين وكان لازم يتقبض عليهم وان دي محاولة للوقيعة بين الجيش والشعب والطرف التاني واللي انا منه شايف ان المجلس العسكري ليس فوق المسائلة وان فيه فرق كبير بين المجلس العسكري كسلطة تدير شئون البلاد لحين تسليم الحكم لحكومة مدنية وبين الجيش ودوره الوطني وولاؤه الغير قابلين ابداا للتشكيك او المزايدات..انا من اللي بيطالبوا بالتحقيق مع اعضاء المجلس العسكري اللي اصدروا اوامر الانتهاكات اللي اشرت لها في هذا المقال ومع الزميل الجميل اسامة جاد لما قالهم ارواح المدنيين خط أحمر وانا باضيف علي كلام اسامة أن أرواح المدنيين وأعراضهم وحقوقهم وحرياتهم خط أحمر..لم نقم بثورة لنستبدل ديكتاتور بديكتاتور اخر ولم نقم بثوره لتطهير الاعلام لننقسم فيما بيننا ونصادر علي بعضنا البعض ونمارس الارهاب الفكري علي معارضينا بتخوينهم وسبهم والتشكيك في وطنيتهم ومواقفهم
للاخوة اللي بيقولوا اعذروهم لأن الحمل تقيل عليهم باقول زي كتيير من النشطاء والنخب ما بتقول لو الحمل تقيل سلموها لمجلس رئاسي مدني يضم شخصيات لها صقلها واحترامها ولديها خبرات بمختلف المجالات وهي تدير شئون البلاد لحين تسليم البلاد لحكومة مدنية طبقا لانتخابات نزيهة ودستور محترم ليس معيب
لن اتوقف عن انتقاد المجلس العسكري الذي تباطئ في تقديم الرئيس المخلوع واسرته ٦ اسابيع كاملة للتحقيق مما منحهم الكثير من الوقت لتهريب فلوس الشعب للخارج وتظبيط اوراقه واعادة ترتيبها من جديد وهذا يدركه اي طفل استمع لخطاب مبارك اليوم ولهجته المتحديه .
اقول كلمة اخيرة للمجلس العسكري :"عفوا لستم فوق المسائلة وفرق كبير بين المجلس العسكري والجيش ..نحن ننتقدكم كمسئولين عن ادارة شئون البلاد وليس كقيادات عسكرية بالجيش المصري الذي نثق به ثقة كبيرة ..رصيدكم لدينا الان لا يسمح باي انتهاكات جديدة وعليكم بتسويه القديمة والتحقيق فيها فالفرد وحدة بناء المجتمع ولا يمكن أن تقوم دولة حرة يستعبد مواطنيها ويستباح ارواحهم واعراضهم بعرض الطريق،،،ستستمر اعتصاماتنا وتظاهراتنا ضد انتهاكاتكم وتباطؤكم في محاكمة فلول النظام ورأس الأفعي مبارك ونطاالبكم بالافراج عن الناشطين الذين تم اعتقالهم في احداث الجمعة الدامية ونتمني من الله ان تصابوا بعدوي التحقيق الفوري مع المسئولين كما تفعلون مع النشطاء والمعارضين لانتهاكاتكم.. انتبهوا فقد نفذ رصيدكم برجاء أعيدوا شحن البطاقة وبسررعة..نشكركم للتعاون مع ثوره ٢٥ يناير الحرة"
أرجو ان نعتاد علي سماع اصواتنا ونتناقش برقي ونكف عن السب والشتم والتخوين فهذا ليس بأداب الحوار ونحن نفنرض صحفيين وكتاب نرقي بلغة الحوار
الجيش والشرطة ايد واحدة
رد علي كل اللي بيهللوا للمجلس العسكري
وبيدافعوا
عنه وللمجلس العسكري نفسه اللي قال انه لم يطلق
رصاص حي ولا يوجد قتلة
Friday, April 8, 2011
بيان المجلس الاعلي للقوات المسلحة
بيان القوات المسلحة بخصوص أحداث التحرير بيفكرني بخطابات مبارك اثناء الثورة في سطحيته واستخفاف اللي كاتبه بعقولنا وكمان كذبه مفضوح والفيديوهات والصور أكدت ان اللي اعتدي علي المتظاهرين العزل بالرصاص والكلاب والعصي الكهربية هم الجيش وتحديدا الشرطة العسكرية وفرقة ٧٧٧ اخطر واشرس فرق الجيش المصري ودي عملياته اصلا انتحارية
الشعب يريد اسقاط المشير والرد علي هذا البيان كان في شكل دعوة لمظاهرة مليونية بدأت الآن- الثامنة صباحا -بتوقيت القاهرة
المجلس العسكري ليس فوق المسائلة
موقعة التحرير
ميدان التحرير الآن وآثار الاعتداء الوحشي الذي قام
به اشاوس المشير طنطاوي والمجلس العسكري ضد
المدنيين العزل
الجيش بعد اخلاء ميدان التحرير
الجيش بعد موقعة اخلاء التحرير وفض الاعتصام
بالقوة واستخدام مفرط للعنف مع المتظاهرين
وسقوط شهيد.. تكرار لموقعة الجمل
ما اشبه الليلة بالبارحة
شهاده صحفي في ميدان التحرير
شهادة الصحفى الحسينى أبو ضيف عما حدث فى ميدان التحرير منذ قليل
اللواء محمد زكى قائدسلاح المظلات قاد لوائين مظلات 182 و 170
بالاشتراك مع العقيد عماد رمضان قائد وحدة 777 اللى جات بكامل قوتها من الهايكستب امام جيرولاند
و كان معاهم اللواء ابراهيم نائب مدير الشرطة العسكرية جه معاه 16 مدرعة فهد عليها رشاشات المتعددة بكامل قوتها
لوائين امن مركزى ابتدوا يحتشدوا عند المتحف بداية من الساعة 1 صباحا
الساعة 3 بدأ هجوم قوات المظلات على ميدان التحرير دخلوا من ناحية القصر العينى على هيئة صفوف الضباط كان معاهم سلاح الى و ضربوا رصاص فى الهوا
و وراهم اربع مدرعات شرطة عسكرية و بدأوا يضربوا الرصاص الفشنك فى الناس اللى وقفوا امام صفوف المظلات فى اليداية
بعدهم وحدة 777 بكامل قوتها بقيادة عماد رمضان و عقيد اسمه محمد نظموا صفوفهم امام هارديز و كانت تعليماتهم انهم هيدخلوا يجيبوا الظباط اللى جوا الخيمة اللى خانوا المشير
دخلوا اقتحموا ناحية الصينية فى نفس الوقت اللى كانت المظلات بتتحرك صفوف ناحية المتظاهرين فى طلعت حرب و دخل بعدها 12 عربة مدرعة فهد من الشرطة العسكرية ضربت نار بكثافة شديدة و حاصرت الصينية و بدأت 777 تقتحم الصينية و كانت تحمل سلاح هكلر المانى و هما بيتقدموا كانوا بيضربوا رصاص فى الهوا لحد ما وصلوا لخيمة الضباط
و كان فى عناصر قبل الهجوم من المخابرات العسكرية اعلنوا انهم مع الاعتصام بس الضباط لازم يلبسوا مدنى
ظهر دورهم لما ال 777 وصلت للخيمة لما ابتدوا يضربوا المتظاهرين اللى محاوطين الخيمة
ضباط الجيش اللى كانوا فى الخيمة رفضوا يهربوا و قالوا هنموت هنا لكن الناس تمسكت بيهم و ال 777 قبضت على 2 منهم و الباقى الناس قدروا يحموهم
اول تلات مدرعات شرطة عسكرية دخلوا بسرعة للميدان من ناحية عمر مكرم بيلفوا حوالين الصينية ناحية كنتاكى بسرعة جنونية عشان تدوس الناس
الصاعقة اخدوا الضباط الاتنين اللى اتقبض عليهم ناحية المجمع فى الوقت اللى الضابطين دول كانوا رافعين راسهم و جه ظابط كبير عايز يضرب واحد منهم بالقلم و بعد ما ضربه بتوع الصاعقة منعوه انه يكرر الضرب
الضباط التانيين مكانوش عايزين يسيبوا زمايلهم لكن الناس جرتهم ناحية طلعت حرب
فى الوقت ده كان فى ناس لابسين مدنى تبع المخابرات العسكرية و امن الدولة كانو موجودين فى الصينية بيوجهوا القوات
فى الوقت ده المظلات فتحت مدخل الميدان من ناحية عبد المنعم رياض للامن المركزى عشان يتعامل مع المتظاهرين اللى فى مدخل طلعت حرب و بدأ الامن المركزى يضرب المتظاهرين اللى فى مدخل طلعت حرب بالرصاص المطاطى و بدا الثوار يضربوا طوب و الامن المركزى هرب ناحية الصينية و معاهم المظلات و بتوع الصاعقة
بعدها دخلت المدرعات من ناحية الصينية ناحية طلعت حرب عشان تفرق الثوار و هيا بتضرب طلقات حية فى الهوا بكثافة شديدة و ظهر ان الضرب حي من اثر ضوء الرصاص فى الهوا
و وراهم الصاعقة و المظلات و الامن المركزى العساكر كانوا بيضربوا طوب و الظباط كانوا بيضربوا بالرصاص الحى فى الهوا مع المدرعات
بدأت بعدها كل القوات اللى فى الميدان تضرب رصاص فى الهوا مع القوات اللى داخلة على طلعت حرب بكثافة شديدة
تراجع الثوار ناحية ميدان طلعت حرب بعدها توقف ضرب الرصاص
بعدها قوات الجيش صاعقة و مظلات ابتدت تلم الفوارغ عشان ميسيبوش اثر
فى الوقت ده كان فى ناس بتصور من العماير المطلة على الميدان ابتدى الجيش يضرب عليهم رصاص حى و شوفت بعينى مقدم مظلات بيضرب رصاص ناحية العمارات دى
و حصلت اشتباكات كتير فى طلعت حرب و فضل ضرب النار شغال لغاية ما مشيت الساعة 5 ونص
ناس كتير لجأت لمسجد عمر مكرم و كنت منهم و جات ورانا قوة مظلات و حاصرتنا و الفجر اذن و رحت ناحية الجامع عشان اصلى فلقيت الناس بتقول لملازم اول مظلات من اللواء 182 مظلات لابس قناع اسود حرام تقتل اخوك فرد عليهم انا بطيع القائد بتاعى زى ما بيطع الرسول و لو عصيته زى ما اكون بعصى ربنا
و دخلت المسجد و ليقت شباب و ست منقبة بتصرخ لان ابنها مفقود و مش عارفة تتصرف و كان فى ستات كتير و عدد الناس حوالى 300 و كان فى اتنين مصابين فى المسجد فى رجليهم .. صلينا الفجر و خرجت تانى و سمعت صوت ضرب رصاص شديد فى طلعت حرب
فى اللحظة دى كان فى معانا دكتور راح عشان يسعف واحد اتضرب بالرصاص فى الميدان و لما رجع عرفنا انه استشهد فالناس قعدت تهتف " المحاكمة المحاكمة لعصابة مبارك اللى لسا حاكمة" " يسقط يسقط المشير"
و بعدها لقيت القوات الموجودة فى التحرير بالكامل بتضرب رصاص فى الهوا بكثافة شديدة
فى الوقت ده كان فى تشكيلين امن مركزى جايين ناحية عمر مكرم فالناس قعدت تهتف " الكلاب اهم " و كان معاهم مدرعة شرطة عسكرية فهد
ظباط المظلات بلغوا الناس ان حظر التجول لغاية الساعة 10 بحجة ان فى اتنين ظباط كبار اتضربوا النهاردة فى التحرير لما كانوا رايحين يجيبوا الظباط اللى مع الثورة و ده محصلش لان اللى كانوا موجودين هما اللواء حمدى بدين قائد الشرطة العسكرية و حاول ياخد الظباط لكن الناس هتفت "بره بره" و طلع من غير ما حد يكلمه
و فضلت مدرعات الشرطة العسكرية موجودة فى ميدان التحرير و الاشتباكات لسا مستمرة فى طلعت حرب لحد ما مشيت
ملحوظة انا شوفت صف ظابط كان معايا ايام خدمتى فى الجيش فى الصاعقة من 6 سنين و قولتله انا كان نفسى لما اشوفك اسلم عليك و احضنك عشان كنت بحبك لكن دلوقتى لأ .. رد عليا و قالى إنت غلطان عشان انت معاهم
شهادة الصحفى الحسينى أبو ضيف عما حدث فى ميدان التحرير منذ قليل
فجر يوم السبت 9 أبريل
6:00 am
Egypt military beats protesters, fires shots
CAIRO |
CAIRO (Reuters) - Military police dispersed hundreds of protesters remaining in Cairo's Tahrir Square from of the biggest demonstrations since Hosni Mubarak was ousted using tasers and batons late on Friday night, a witness said.Hundreds of thousands of people rallied during the day to pile pressure on the interim military rulers to meet demands including the prosecution of Mubarak.
But after the curfew, set from 2 a.m. to 5 a.m., military police and state security officers surrounded the square, fired shots in the air, used tasers and batons and arrested protesters to break up the crowd, a witness told Reuters by telephone.
"They are moving in on us with very aggressive force, I can see people running in every direction," Mohamed Fahmy, 29, said, while the sound of screaming and gun shots, which he said were fired by the police into the air, sounded in the background.
The military has enjoyed broad support since it took control of the country on February 11, but complaints against its rule are growing. Attention is now focused on the perceived tardiness of legal measures against Mubarak and his entourage.
Mubarak and his family have been living in the Red Sea resort of Sharm el-Sheikh since he left Cairo. The military has said the 82-year-old president, himself a former military officer, is banned from leaving the country.
"The corrupt perpetrators must be held accountable for what they have done, that is why we are here," Fahmy said.
The military had forcibly dispersed protesters before from Tahrir Square, the main theater for the demonstrations that swept Mubarak from power, leaving the army led by Field Marshal Mohamed Hussein Tantawi in charge.
In that case, the military apologised the next day, saying there had been no order to assault the protesters and called the incident unintentional.
شهادة سلوى الحسينى جودة عن اعتقالها فى السجن الحربى
http://ara.reuters.com/article/topNews/idARACAE72M1IB20110323
القاهرة (رويترز) -
دعت منظمة العفو الدولية المدافعة عن حقوق الانسان الحكومة المصرية يوم الاربعاء الى التحقيق في اتهامات للجيش بالتحرش بنساء وتعذيبهن بعد أن اعتقلن خلال مظاهرات مناهضة للحكومة في وقت سابق من الشهر الجاري.
واعتقلت 18 امرأة على الاقل في التاسع من مارس اذار عندما استخدم ضباط في الجيش القوة لإخلاء ميدان التحرير مركز الاحتجاجات التي أطاحت بالرئيس المصري السابق حسني مبارك.
وقالت اللاتي اعتقلن ان الانتهاكات شملت اجبارهن على الخضوع " لاختبارات للبكارة" وضربهن وتعريضهن لصدمات كهربائية وتفتيشهن بعد تجريدهن من ملابسهن بينما كان جنود ذكور يصورونهن.
وقالت المنظمة في بيان "النساء والفتيات يجب أن يتمكن من التعبير عن آرائهن بخصوص مستقبل مصر والاحتجاج على الحكومة بدون أن يتعرضن للاحنجاز والتعذيب أو لمعاملة تمييزية مهينة."
ونقلت المنظمة عن سلوى الحسيني (20 عاما) قولها انها احتجزت وأجبرت مع نساء أخريات على خلع ملابسهن وان حارسات سجون تولين تفتيشهن. وذكرت المنظمة أن النساء أخضعن لاختبارات للبكارة أجراها رجل يرتدي معطفا أبيض وجرى تهديدهن بتوجيه تهمة ممارسة الدعارة اليهن اذا اتضح أنهن لسن عذارى.
وقالت منظمة لعفو ان "إجبار النساء على الخضوع لاختبارات للبكارة أمر غير مقبول على الاطلاق. هدفه هو الحط من شأن النساء لانهن نساء."
وجمع مركز النديم لتأهيل ضحايا العنف والتعذيب شهادات اتفقت مع ما ذكرته منظمة العفو.
ووجه نشطاء انتقادات الى الجيش المصري لاحتجاز مصريين شاركوا في الاحتجاجات لحاشدة التي أطاحب بمبارك وإساءة معاملتهم أثناء الاحنجاز. ونفى الجيش مرارا تعذيب مدنيين.
وقال قائد الشرطة العسكرية لصحيفة مصرية الاسبوع الماضي ان اللقطات المصورة التي تظهر فيها وقائع تعذيب زورها أشخاص يسعون للوقيعة بين الشعب والقوات المسلحة.
وقال معهد القاهرة لدراسات حقوق الانسان ان نفي الجيش مزاعم التعذيب وامتناعه عن التحقيق في الاتهامات يذكر بمواقف وزير الداخلية السابق.
(شاركت في التغطية دينا زايد)
Subscribe to:
Posts (Atom)