Thursday, August 23, 2007

إنجازات قواد الفكر الجديد محمد حسني مبارك وولده جيمى





















أسفة مش هاكتب أسماء ولا تعليقات علي الصور لأن المهم دلوقت إننا عارفين إنهم ضحايا نظام مبارك الفاجر العاهرسواء اتقتلوا فى سلخانات وزارة الداخلية أو اتفتلوا في الإنتخابات أو اترمي أزواجهم من البلكونات أو اتولع فيهم بجاز في عز الضهر او بيتعرضوا لمحاولات إغتيال في السجون زي ما بيحصل دلوقتي مع دكتور أيمن نور والأهم هل هنقدر ناخد تارهم ونقدم قاتليهم لمحاكمات حقيقية عادلة وهل هنقدر نحمي نور ونحافظ على حياته
؟؟؟؟؟؟؟؟؟؟؟؟؟؟
بمجرد ما شفت صور الطفل محمد ممدوح واللي قتله كلاب القواد مبارك في أحد سلخانات وزارة البلطجية بقيادة العاهر حبيب العادلي اللي رفعت شعار التعذيب للجميع والقتل عليكم حق وهتك الأعراض واجب قومي في ظل سياسة الفكر الجديد ولتنفيذ سيناريو التوريث لننوس عين أمه جيمي اللي ما شاء الله كبر وبقي راجل واتجوز مزة صغيرة علشان يثبت أنه واد شديد وانه مش زي ما اتقال عليه إنه لا مؤاخذة من أتباع ثقافة الخلف وإنه بيطبقها معاه راجله التاني محمد كيمو اللي برضوا صادف إنه خطب قبل جيمي بكام اسبوع وقت ما الكلام ده بدأ يتردد في الأوساط السياسية
بجد حاجة وسخة 3 حوادث قتل في أقل من 10 أيام منتهي الفجر والوساخة من نظام عاهر قواد استباح الأرواح والاموال والاعراض والاوسخ إن الناس لسا ساكتة وإننا كلنا عاجزين عن الدفاع عن نفسنا وعن الغلابة اللي بيداسوا تحت رجلين ولاد الكلب القوادين كل يوم
الصور تخلي الحجر ينطق فين أم المعارضة بكل إتجاهاتها وقواها وفين الإخوان وليه ساكتين رغم كل اللي بيحصلهم من إعتقالات وتعذيب وقتل في سلخانات مبارك وفين حركة كفاية ودورها
مين اللي هيحمي الغلابة من بطش ولاد الكلب الجزارين بتوع الداخلية اللي خلاص فجروا ومش هاممهم حد وبيرموا الناس من البلكونات عادي جدا وعيني عينك وبيولعوا في البني آدميين بالجاز وبيمثلوا بجثث ولادنا وإخواتنا بالبجاحة والوساخة دي ومين اللي ممكن يحمي أيمن نور من محاولات إغتياله جوة سجنه
هنفضل لحد امتي كدة ملناش لزمة وكبيرنا مظاهرة يحضرها 10 أفراد وخلافاتهم أكبر من قضنيته
هنفضل لحد امتي نشجب ونستنكر وندين بحد حكومة وسخة ومعارضة أوسخ الأمل فى السباب وبس

أبيات مظفر النواب دي أفضل وصف لكل اللى فات

أولاد القحبة لن أستثني ممكن أحدا

أولاد القحبة
لست خجولا حين اصارحكم بحقيقتكم

أن حظيرة خنزير أطهر من أطهركم

تتحرك دكة غسل الموتى

أما انتم لا تهتز لكم قصبة

الان أعريكم.....يا حكاما مهزومين

و يا جمهورا مهزوما

ما أوسخنا ... ما أوسخنا ... ما أوسخنا

ما أوسخنا لا أستثنى أحدا

باعتذر لكل الأصدقاء إذا كنت تجاوزت حدود الأدب فى هذه التدوينة لكن بجد من ساعة ما شفت صور الطفل اللي قتلوه الكلاب وشفت الفيديو وسمعت والدته وأنا باكتب البوست ده و ارجع امسحه مش عارفة أعمل كنترول علي نفسي واللى زاد الطين بلة إننا هنا بنتابع ردود الافعال في مصر لكن مع الأسف مفيش غير بيانات وكلام وبس والناس هنا بيسألوني إيه الشعب ده اللي بيقتلوا ولاده وبيعذبوا فيهم وساكتين فين الناس وفين المعارضة والأوسخ إننا هنا بنظم رد فعل قوي علي تصعيد حوادث القتل والتعذيب في مصروفي مصر الحياة عادي جداوكأن الناس اتعودت تسمع الأخبار دي و تضايق شوية وتشتم في الحكومة شوية و بعد كدة تطلع بيان وشكرا علي كدة والله حاجة تقرف

16 comments:

Anonymous said...

نظام حكم عميل شمولي مجرم... رفيقتي العزيزة عبير لا تعتذري انتي لم تتجني على احد ... البذائة هي توصيف دقيق لواقع سيء.... انتي لستي مسئولة عن المجرمين وعن افعالهم القذرة.. هذا هو دور المثقف الوطني الحقيقي الذي ينحاز للجماهير ... عبير كم انتي شجاعة وبطلة مصرية نعتز بيكي ونفتخر لفضح المجرمين الذين يمارسون سحق عظامنا بدون ترمش لهم عين .... احبك وافتخر بيكي من كل قلبي

Anonymous said...

عزيزتى عبير
هذا البوست مؤلم جداً, أتمنى أن تلغيه. وأسف لهذا الطلب.
أخوكى الغريب في وطنه

السلحفاة تطير said...

البوست قوى جدا ومؤلم .. بس رجاء احذفي الصور اللى فيها عورات الناس ظاهرة بشكل واضح

Anonymous said...

في البداية انا صاحب التعليق الاول وقد نسيت كتابة اسمي.... بس للاخوة اصحاب التعليق الثاني والثالث الا تستحو انتم من انفسكم من تحمل العار تستحون فقط من الصورة ومن بعض الالفاظ التي هي اقل من القليل.... شيء غريب تحرير العقل قبل تحرير الوطن

محمد اسكندراني

غريبة said...

والنبي مش عاوزة حد يتكلم علي أخلاقيات العمل الصحفي قبل ما يعرف معناها الاول لأن اخلاقيات وأداب المهنة التزمت بيها من أول يوم اشتغلت فيه كصحفية مهتمة بالتعذيب ولو موجودة في مصر كنت علمتها لكتير من الشباب اللي اشتغلنا مع بعض وبعدين موضوع حفاظ علي عورة الموتي فلما يضير الشاة بعد ذبحها واللي حبيت اوضحه من الصور محل الاعتراض هو تأكيد انتهاج سياسة القتل العمد للمواطنين داخل أقسام الشرطة والأخطر في صور عبد القادرالقتيل الاخير إن البيه كبير الأطباء الشرعيين أكد أن الجثة ليس بها أثار تعذيب وأن الطبيب الذي التقط هذه الصور تسرع ولم يتحر الدقة في تشريح الجثة أما موضوع الصور دي تقدم لجهات التحقيق بس فده كلام حد منفصل عن واقعه تماما وكأنه عايش في بلد تحترم القانون وفيها عدالة واستقلال قضاء والمتابع لقضية كلب أمن الدولة أشرف صفوت والوساخة والتعريص اللي بيحصلوا فيها علشان يبرأوا كلب أمن الدولة هيعرف أهمية الصور دي في بلد بيترمي فيها الناس من البلكونات علي مرأي ومسمع من الجميع وبيتضرب قضاتها بالجزمة وصحفيينها خلف القضبان أو علي شفا حفرة وأساتذة الجامعات ونواب مجلس الشعب بيعتقلوا ويتبهدلوا والطلبة كل يوم عددهم بيزيد في المعتقلات وبالمناسبة دي انا كنت هانشر الصور دي لو أنا في مصر وأنا ضميري مرتاح وفعلا كنت سلمت الصور دي لمدير التحرير ورئيس القسم وأنا كنت نائب رئيس القسم ومعايا شباب باشرف علي شغلهم وملفات مهمة بتتعمل
الصور دي وكل الصور اللي زملاءبعتوها لي بعد البوست هتتبعت للمنظمات الدولية وهنعمل بيها مؤتمرات ومعارض نفضح بيها الكلاب ولاد الكلب اللي بيتكلموا علي حقوق الحيوان وبيستبيحوا أبسط حقوق الإنسان في الحياة واحنا لسة بنتكلم علي صح ننشر صور العورات ولا لأ ده الامن بيقلعكم هدومكم في الشارع
كفاية ازدواجية بقي

Marwa Friday said...

عبير
أنا دمي اتحرق من ساعة ماشفت الصور في مدونة الوعي المصري
بغض النظر عن كلامك القاسي
يا جماعة الصور منتشرة في كل حته وفيديوهات كمان ..
حسبي الله ونعم الوكيل
أصلي شبعت كلام في الموضوع ده ..
لو كان الكلام ياخد حقنا لاتكلمنا ليوم الدين
ياللا خلى اللي يتكلم يتكلم واحنا نعمل اللي على راحتنا
ربنا يصيبهم بشلل أبدي ! ا

lastknight said...

عميقة المصريه أنت .. أتمنى لك النجاح فى جهادك لفضح هؤلاء الكلاب .. فخور بك .. و ياليتنى تعرفت بك فى مصر قبل أن تتغربى

Anonymous said...

حسبنا الله ونعم الوكيل

مواطن زهقان said...

بجد صور مؤلمة جدا
ومش عارف اقول ايه غير حسبى الله ونعم الوكيل

" آدم " said...

لا تعليق

عبير وحشتينا يا حبيبي

رضوان آدم

خلود صلاح said...

انجازات زى الفل اهى
ايه مالك زعلانة ليه بأى
عالم زبالة !!!!

Mr.Nour said...

: ( : (

عقبال السنه الجاية


: ( : (

إســمــاعـيـل بـــدر said...

عبير
انتى فين وعامله ايه وحشانا جداً دى أخر تدوينه ليكى ومر عليها شهور عاوزين نتطمن عليكى اكتبى على المدونه لاننا بنحس واحنا بنقراها إنك بتتكلمى معانا طمنينا عليكى بجد

Anonymous said...

انا مش مصدئة معقولة دة هنا فى مصر انا عقلى شت بس رجاء كنتى كتبتى ان الصور صعبة لان قلبى وجعنى جدا
وحسبى الله ونعم الوكيل

Anonymous said...

تحياتى لمحررة المدونة الاستاذة عبير كم اشعر بالاسى ولكن ليس للصور التى عرضتيها لانى كنت قد فعلت عرض للصور بشكل افظع من ذكل وكان بعنوان التعذيب فى العالم واحد ولكن ما جعلنى اشعر بالاسى هو ردود افعال البعض عن حذف الصور
ياريت ياخونا نكون موضوعيين انا يمكن لسة شايف البوست دلوقتى لكن هفعلة عندى فى المدونة تحت اسم عبير لانة يستاهل التفعيل لعلة يكون مسمار فى نعش حكومة متسلطة وكاذبة وديكتاتورية ووقحة فى كثير من الاوقات
اما الزميل عبير بخصوص البوست الخاص بجريدة البديل انا الاخر عانيت معاناتك مع حمادة امام الذى ظن فى بعض الاحيان انه صحفى فى ادارة المحافظات واظن ان البديل اصبح للمحاسيب فقط وليس للصحفيين لا تغضبى لان الصحف المصرية اتسمت بالمحسوبية بعيدا عن الصحافة
تمنياتى بالتوفيق
كريم البحيرى
www.egyworkers.blogspot.com
مدونة عمال مصر
http://yalhwy.maktoobblog.com
مدونة احترس انت الان فى مصر

Anonymous said...

عزيزتي صاحبة المدونة لكي جزيل الشكر فأنا واحد من الزين لم تستثني منهم أحدا كاره لهذا النظام بالقلب فقط لم أفعل شيء رضعت ثقافة الخوف و الجبن وليس لي عذر و ان كان كل الناس مثلي مصاب بأكتآب شبه دائم تقتلني أحوال البلد نفسي أنفجر في اولاد الكلب دول كلنا زبائح النظام بطريقة مباشرة او غير مباشرة اريد ان اصرخ فتخترق صرخاتي آذان الصم كفياية أغتصاب للبلد فقد انهكت و انهارت قواها كفاية احتلال ارحلوا عنها فلم يبقي فيها شيء