انتظروا المؤتمر الثانى للقله المندسه... تحت رعاية شباب 6 ابريل

دى رسالة اتبعتت لى من الصديقة أسماء محفوظ الناشطة بحركة 6 إبريل واحد منسقي


المؤتمر برجاء نشر هذا البوست فى مدوناتنا وصحفنا والحشد للمؤتمرعسي أن نكون بمثابة



الحجر الذى يحرك المياة الراكدة بمصر والتى استمر ركودها لأكثر من 28 عاما

مؤمر القلة المندسة

هنا القاهرة وليس الجابون

اسماء محفوظ ... شباب 6 ابريل


بعد نجاح مؤتمر القلة المندسة الاول لشباب 6 ابريل وكان تحت عنوان متصدقش
السنة دي هيكون مختلف
السنة دي هنفضح من ناحية الكدبة الكبيرة للبرنامج الانتخابي للرئيس من 5 سنيين عدوا
ونشوف هو وعد بايه واتحقق منه ايه ولسة متحققش منه ايه
بالارقام والاحصائاات والكلام مع الخبراء والاكاديميين

والجزء التاني هنركز اووي على جيمي قصدي جمال مبارك بما انه سنة ورا سنة عمال يظهر ويلمع نفسه
فهنظهر ده وخصوصا قضية التوريث وده هيكون بالكلام مع السياسيين

وطبعا مش هننسى الواقع المر مع الناس في الشارع وهنتكلم معاهم وهنعرف وضعهم ايه وكانو مستنيين ايه وايه اللي اتحقق وايه اللي لمسوه من الحزب الوطني اللاديمقراطي

مؤتمر القلة المندسة لشباب 6 ابريل هيكون موازي للمؤتمر السادس للحزب الوطني اللي هيتكلمو فيه عن انجازات الحزب والبرنامج الرئاسي
من 30 اكتوبر 2009 الى 2 نوفمبر 2009
شباب 6 ابريل هيكونو لشلة العصابة كالمرصاد
وهنفضح اكاذيبهم اللي عودونا عليه من 30 سنة بس احنا هنمسك تحديدا الخمس سنيين اللي فاتوا

مجهود كبيير بنقوم فيه من تصوير لقاءات مع السياسين والخبراء والاكاديميين
ومع الناس في الشارع وتجميع الارقام والاحصائيات

محتاجينك تشارك معانا ولو بنشر الايفنت في كل مكان .. لو عندك مدونة او منتدى او جروب على الفيس بوك
المؤتمر ده مش شو اعلامي بنقوم بيه لا
لازم كل الناس تعرف كمية الاكاذيب اللي الوطني بيضحكو بيها عليهم
لازم نصدم الناس بالصور والارقام وكل ده باسلوب بسيط ويوصلهم في كل مكان
لازم يعرفوا انهم لازم يفكروا في اي طريقة عشان يوقفوا بيها المهزلة دي في الانتخابات اللي الجاية
ويعرفوا ان جمال مبارك اللي بيقولو عليه شبعان ده هو اللي بهدلهم البهدلة دي ولسة عايز يمص دمهم كمان وكمان

هنا القاهرة وليس الجابون
احنا هنا معندناش توريث ولا هنسمح يكون عندنا توريث

تحت رعاية شباب 6 ابريل


شباب يعرف اولوياته
هنا القاهره و ليس الجابون


انتظرونا

تحليلات سياسيه

احصائيات موثقه

أراء و حلول علميه

تفنيد لاكاذيب الحزب الوطنى


جميع القوى السياسيه المصريه فى نفس المكان من أقصى اليمين لأقصى اليسار

أو القله المندسه كما يطلق عليهم إعلام الحزب الوطنى


للمزيد من المعلومات

تابعونا

الجروب الرئيسى على الفيسبوك
http://www.facebook.com/group.php?gid=9973986703


البث التجريبى لموقع شباب 6 ابريل
http://6april.org



المجموعه البريديه لشباب 6 ابريل نرجوا الاشتراك الآن
http://groups.yahoo.com/group/shabab6april/


مدونة شباب 6 ابريل
http://shabab6april.wordpress.com


خدمة تويتر لشباب 6 ابريل
اشترك على تويتر و اعمل تتبع لشباب 6 ابريل
وتوصلك اخبارنا على طول
http://twitter.com/shabab6april

الايميل الرسمى للحركه
shabab6april.mov@gmail.com


0102864919

0110479445