Saturday, June 13, 2009

رجعت لنفسي خلاص:)


حاسة اني فرحانة جدا لأني رجعت لنفسي واستقريت نفسيا ومهنيا وتجاوزت محنة إنسانية مريت بيها بس خلاص نسيتها وتجاوزتها ورجعت تاني مش بافكر غير في دراستي وشغلي وجورنالي ورجعت لي ضحكتي تاني وكمان حاسة بحالة من السلام النفسي الجميل
جت عليا فترة حسيت إن بلدى وحشتني اوى واهلي كمان وحشوني وكنت باحاول اشوف اى حاجة عربية وانزل مناطق العرب علشان اسمع لغتنا الجميلة واشوف الوشوش الطيبة لكن مع الاسف العرب في الغربة بشعين جدا والافضل البعد عنهم _ مش كلهم طبعا بس اللي بتتعرف عليهم صدفة او مش بيربطك بيهم صداقة قوية- شفت كل أمراض العرب بس خلاص اتغلبت علي نفسي وسبحان الله وانا في وسط العرب والمسلمين هنا كرهت عروبتي وكنت بعيدة عن تعاليم الاسلام لما رجعت تاني لقواعدى سالمة واعيش في مجتمع كندى ومنطقة مش فيها عرب الا قلييييييييييييييل جدا رجعت تاني افتخر بإني عربية واني مسلمة وبالتزم والحمد لله
ورجعت عبير العسكرى تقول جملتها الشهيرة تاني "حياتي دلوقت مش فيها غير شغلي ودراستي وجورنالي"
:)))))))))))

5 comments:

V.Hayat said...

مبروك الاستقرار النفسى عقبالى انا كمان وخوفتينى من المجئ الى كندا ولكن العرب فى كل مكان فى الغربة حتى فى البلاد العربية وباء فتاك

تحياتى

غريبة said...
This comment has been removed by the author.
غريبة said...

اهلا بيكي في مدونتى يا حياة واتمني لك كل التوفيق
ماتخافيش من كندا المشكلة مش كندا ولا أمريكا المشكلة فينا احنا العرب لكن فيه ناس كويسة
تعالي انتي بس وابقي كلمينا نشوفك

Anonymous said...

استغرق منى الامر الكثير من الوقت والبحث لادرك قدر محبه واحترام الكثيرين لشخصك الكريم بسبب جهلى المتعمد بكل ما يمت بصله بوطنى الأسير . جمعنا لقاء قصير بعد صدور جريدتك بقدر ما أسعدنى فيه حماسك المهنى و أحترامك لرسالتك بقدر ما أحزننى اصدارك حكما عاما على العرب فى كندا بالشرذمه و عدم أستعدادهم للمساعده . أتمنى أن أكون يوما ما سببا فى تغيير تلك الصوره و أسأل الله لك دوام التوفيق .....

ياسر...تورنتو

غريبة said...

أستاذ ياسر
أهلا بحضرتك في مدونة غريبة المصرية
الحمد لله اللي انعم عليا بحب الناس واحترامهم ليا وربنا يعزك علي كلامك
اسفة ان كلامى احزنك بس أنا حكيت تجربة خاصة بيا ويشهد رب العزة ان دى الحقيقة اللي شفتها بس انا ده مش حكم عام والله لأن فيه ناس جميلة ومحترمة زى حضرتك ومجدى وابو احمد وناس كتير بس الوحشين اللي شفتهم مع الاسف كانوا اكتر
ان شاء الله تجمعنا قعدة تانية ونتكلم
شكرا علي وقتك واهتمامك بالتعليق